നി​യ​ന്ത്ര​ണം വി​ട്ട കാ​ര്‍ റോഡിന്റെ വ​ശ​ത്തെ താ​ല്‍​ക്കാ​ലി​ക ലോ​ട്ട​റി സ്​​റ്റാ​ളി​ലേ​ക്ക് പാ​ഞ്ഞു​ക​യ​റി ലോ​ട്ട​റി ഏ​ജ​ന്‍​റും അം​ഗ​പ​രി​മി​ത​നാ​യ വില്പനക്കാരനും ഉടൻ മരണപെട്ടു. ലോ​ട്ട​റി വി​ല്‍​പ​ന​ക്കാ​ര​ന്‍ വ​ള്ളി​കു​ന്നം ക​ടു​വി​നാ​ല്‍ പൈ​നും​മൂ​ട്ടി​ല്‍ വീ​ട്ടി​ല്‍ രാ​ജു (60), ലോ​ട്ട​റി ഏ​ജ​ന്‍​റ് ഓ​ച്ചി​റ ച​ങ്ങ​ന്‍​കു​ള​ങ്ങ​ര ശ്രീ​ജി​ത്ത് ഭ​വ​നം പ്ര​സ​ന്ന​ന്‍​പി​ള്ള (52) എ​ന്നി​വ​രാ​ണ് മ​രി​ച്ച​ത്.

കാ​ര്‍ ഓ​ടി​ച്ചി​രു​ന്ന ഡ്രൈ​വ​ര്‍ മ​രു​തൂ​ര്‍​കു​ള​ങ്ങ​ര സ്വ​ദേ​ശി സു​ഹൈ​ലി​ന് നിസ്സാര പരിക്ക് പറ്റി. ഇ​യാ​ളെ പ്രാ​ഥ​മി​ക ശു​ശ്രൂ​ഷ ന​ല്‍​കി​യ​ശേ​ഷം ക​രു​നാ​ഗ​പ്പ​ള്ളി പൊ​ലീ​സ് ക​സ്​​റ്റ​ഡി​യി​ലെ​ടു​ത്തു.

ദേ​ശീ​യ​പാ​ത​യി​ല്‍ വ​വ്വാ​ക്കാ​വി​നും പു​ത്ത​ന്‍​തെ​രു​വി​നു​മി​ട​യി​ല്‍ പു​ലി​യ​ന്‍​കു​ള​ങ്ങ​ര​യി​ല്‍ വെ​ള്ളി​യാ​ഴ്ച ഉ​ച്ച​ക്ക് ര​ണ്ടി​നു​ശേ​ഷ​മാ​ണ് അ​പ​ക​ടം. ഓ​ച്ചി​റ ഭാ​ഗ​ത്തു​നി​ന്ന് ക​രു​നാ​ഗ​പ്പ​ള്ളി​ക്ക് അ​മി​ത​വേ​ഗ​ത്തി​ല്‍ വ​ന്ന കാ​ര്‍ റോ​ഡ് സൈ​ഡി​ല്‍ താ​ല്‍​ക്കാ​ലി​ക​മാ​യി കു​ട നാ​ട്ടി​യ ലോ​ട്ട​റി ക​ച്ച​വ​ട സ്​​റ്റാ​ളി​ലേ​ക്ക് പാ​ഞ്ഞു​ക​യ​റു​ക​യാ​യി​രു​ന്നെ​ന്ന് ദൃ​സാ​ക്ഷി​ക​ള്‍ അറിയിച്ചു.

സ്​​റ്റാ​ളി​ന് അ​രി​കി​ല്‍ നി​ന്ന ഏ​ജ​ന്‍​റി​നെ​യും വി​ല്‍​പ​ന​ക്കാ​ര​നെ​യും ഇ​വ​രു​ടെ ഇ​രു​ച​ക്ര​വാ​ഹ​ന​ങ്ങ​ളും ഇ​ടി​ച്ചു​തെ​റി​പ്പി​ച്ച​ശേ​ഷം കാ​ര്‍ എ​തി​ര്‍​വ​ശ​ത്ത് ചെ​ന്ന് നി​ല്‍​ക്കു​ക​യാ​യി​രു​ന്നു. അ​പ​ക​ട​ത്തി​ല്‍​പെ​ട്ട​വ​രെ ഉ​ട​ന്‍​ത​ന്നെ ക​രു​നാ​ഗ​പ്പ​ള്ളി താ​ലൂ​ക്കാ​ശു​പ​ത്രി​യി​ല്‍ എ​ത്തി​ച്ചെ​ങ്കി​ലും മരണപ്പെടുകയായിരുന്നു.

പ്ര​സ​ന്ന​ന്‍​പി​ള്ള ലോ​ട്ട​റി മെ​യി​ന്‍ ഏ​ജ​ന്‍​റാ​ണ്. ഇ​ദ്ദേ​ഹം പ​ല സ്ഥ​ല​ങ്ങ​ളി​ലും കു​ട​ക​ള്‍ വ​ഴി​യ​രി​കി​ല്‍ നാ​ട്ടി ലോ​ട്ട​റി നി​ര​ത്തി തൊ​ഴി​ലാ​ളി​ക​ളെ കൂ​ലി​ക്ക് വെ​ച്ച്‌ വി​ല്‍​പ​ന ന​ട​ത്തു​ക​യാ​ണ് പ​തി​വ്.

അം​ഗ​പ​രി​മി​ത​നാ​യ രാ​ജു​വി​നെ ഏ​താ​നും ദി​വ​സം മു​മ്പാ​ണ് ലോ​ട്ട​റി വി​ല്‍​പ​ന​ക്കാ​യി വ​ള്ളി​കു​ന്ന​ത്തു​നി​ന്ന് വി​ളി​ച്ചു​കൊ​ണ്ടു​വ​ന്ന്​ ച​ങ്ങ​ന്‍​കു​ള​ങ്ങ​ര​യി​ലെ സ്​​റ്റാ​ളി​ല്‍ ഇ​രു​ത്തി​യ​ത്. ഇ​രു​വ​രു​ടെ​യും മൃ​ത​ദേ​ഹം ക​രു​നാ​ഗ​പ്പ​ള്ളി താ​ലൂ​ക്കാ​ശു​പ​ത്രി മോ​ര്‍​ച്ച​റി​യി​ല്‍.