ഫോർട്ട് ആശുപത്രിയിൽ ‍‍വനിതാ ഡോക്ടർക്കെതിരായ ആക്രമണത്തിന്റെ ദൃശ്യങ്ങൾ നേരത്തേ മാധ്യമങ്ങളിലൂടെ പുറത്ത് വന്നതാണ്. സിസിടിവി ദൃശ്യങ്ങളായിരുന്നു ലഭിച്ചത്. ഇതിൽ നിന്നും എത്ര മാത്രം ആഘാതം ഈ ആക്രമണം സൃഷ്ടിച്ചു എന്ന് നമുക്ക് മനസ്സിലാക്കാൻ സാധിക്കുന്നതാണ്.

ക്രൂരമായ മർദ്ദനമാണ് ഡോക്ടർക്കെതിരെ ഉണ്ടായത്. ആഗസ്റ്റ് അഞ്ചിന് അ‍‌ർ‍ദ്ധ രാത്രിയിലായിരുന്നു സംഭവം നടന്നത്. ഡ്യൂട്ടി ഡോക്ടറായ മാലു മുരളിക്ക് നേരേ മദ്യപിച്ചെത്തിയ ഒരു കൂട്ടം ആളുകൾ അതിക്രമം നടത്തുകയായിരുന്നു.

പ്രതികളായ പ്രതികളായ റഷീദ്, റഫീക്ക് എന്നിവരെ പോലീസ് അറസ്റ്റ് ചെയ്തിരുന്നു. സ്ഥിരം ഇത്തരത്തിൽ സംഭവങ്ങൾ ഉണ്ടാകാറുണ്ടെന്ന് തന്നെയാണ് ആശുപത്രി ജീവനക്കാരും വ്യക്തമാക്കിയത്. ഇതുകൂടാതെ, കേട്ടാൽ അറയ്ക്കുന്ന അസഭ്യവർഷവും ഡോക്ടർക്കെതിരെ ഉണ്ടായി.

എന്നാലിപ്പോൾ, ഫോർട്ട് ആശുപത്രിയിൽ ഡ്യൂട്ടി ഡോക്‌ടറായ മാലു മുരളിക്ക് നേരെ ആക്രമണം നടന്നതിൽ സ്വമേധയാ കേസെടുത്തിരിക്കുന്നതാണ് സംസ്ഥാന യുവജന കമ്മീഷൻ. സംഭവത്തിൽ കമ്മീഷൻ സംസ്ഥാന പൊലീസ് മേധാവിയിൽ നിന്ന് റിപ്പോർട്ടും തേടിയിട്ടുണ്ട് എന്നാണ് അറിയാൻ കഴിഞ്ഞിട്ടുള്ളത്.

രണ്ട് ദിവസം മുൻപായിരുന്നു തിരുവനന്തപുരം നഗരപരിധിയിലെ ഫോർട്ട് ആശുപത്രിയിലെ ഡ്യൂട്ടി ഡോക്‌ടറെ അതിക്രമിച്ച് കയറിയ ഒരു സംഘം അസഭ്യം പറയുകയും ആക്രമിക്കുകയും ചെയ്‌തത്. ക്യൂ പാലിക്കാതെ ആശുപത്രിയിലേക്ക് അതിക്രമിച്ച് കയറുകയും പരിക്കേറ്റത് കണ്ട് അതിനെക്കുറിച്ച് ചോദിക്കുകയും ചെയ്‌തപ്പോഴാണ് സംഘം ആക്രമിച്ചത്.

"പെണ്ണായത് കൊണ്ടാണ് നീ ഇവിടെ ഇരിക്കുന്നത്; അല്ലെങ്കിൽ നിന്നെ വടിച്ചെടുക്കേണ്ടി വന്നേനെ"എന്ന് ആക്രമി ഭീഷണിപ്പെടുത്തുന്നത് കേൾക്കാം. കൈക്കും കഴുത്തിനും പരിക്കേറ്റ നിലയിൽ എത്തിയ റഷീദ് റഫീക്ക് എന്നിവർ ക്യൂ പാലിക്കാതെ ആശുപത്രിയിലേക്ക് അതിക്രമിച്ചു കടക്കുകയായിരുന്നു.

പരിക്കിനെ പറ്റി അന്വേഷിച്ചപ്പോഴാണ് ഇവർ പ്രകോപിതരായത്. ഡോക്ടറുടെ കൈ പിടിച്ചു തിരിച്ചു. വസ്ത്രം വലിച്ചുപറിക്കാൻ ശ്രമിച്ചു. തടയാനെത്തിയ സെക്യൂരിറ്റി സുഭാഷിനെയും ആക്രമിച്ചു

രാത്രികാല കേസുകൾ ധാരാളമായെത്തുന്ന ആശുപത്രിയിൽ പ്രശ്നങ്ങൾ പതിവാണ്. പൊലീസിനെ വിവരമറിയിച്ചിട്ടും നടപടിയുണ്ടാകാറില്ലെന്നും പരാതിയുണ്ട്.പരിക്ക് പറ്റിയ ഡോക്ടറും സെക്യൂരിറ്റിയും ജനറൽ ആശുപത്രിയിൽ ചികിത്സയിലാണ്.