കേരളത്തില് വാസ്കുലര് രോഗങ്ങള് മൂലം പ്രതിദിനം മുറിച്ചു നീക്കപ്പെടുന്നുണ്ട് മുപ്പതോളം കാലുകള്; കണക്ക് പുറത്തു വിട്ട് വാസ്കുലര് സൊസൈറ്റി ഓഫ് കേരള, 2030ഓടെ പ്രമേഹ രോഗികളുടെ എണ്ണം ഗണ്യമായി ഉയരുമെന്ന് ആധികാരിക മെഡിക്കല് പഠനങ്ങള്
കേരളത്തില് വാസ്കുലര് രോഗങ്ങള് മൂലം പ്രതിദിനം മുറിച്ചു നീക്കപ്പെടുന്നുണ്ട് മുപ്പതോളം കാലുകള് എന്ന ഞെട്ടിക്കുന്ന റിപ്പോർട്ടാണ് പുറത്ത് വരുന്നത്. കൈകാലുകളിലേക്കുള്ള രക്തയോട്ടം തടസ്സപ്പെടുന്നതു മൂലമാണ് ഇത്തരത്തിൽ അവയവങ്ങള് മുറിച്ചു നീക്കേണ്ടി വരുന്നത്. വാസ്കുലര് സൊസൈറ്റി ഓഫ് കേരള (വാസ്ക്)യാണ് കണക്ക് പുറത്തു വിട്ടിരിക്കുന്നത്. രോഗത്തെക്കുറിച്ചു ധാരണയില്ലാത്തതും ശരിയായ ചികിത്സ ലഭിക്കാത്തതുമാണ് അംഗപരിമിതിയിലേക്കു നയിക്കുന്നത് എന്നതാണ് കാരണം.
അതോടൊപ്പം തന്നെ കൃത്യ സമയത്തു മികച്ച വാസ്കുലര് സര്ജറി ചികിത്സ ഉറപ്പാക്കിയാല് ഭൂരിഭാഗം വാസ്കുലര് രോഗികളെയും അംഗപരിമിതിയില് നിന്നു രക്ഷിക്കാന് സാധിക്കുന്നതാണ്. 2030ഓടെ പ്രമേഹ രോഗികളുടെ എണ്ണം ഗണ്യമായി ഉയരുമെന്ന് ആധികാരിക മെഡിക്കല് പഠനങ്ങള് അടിവരയിടുകയുണ്ടായി. ഇത് വാസ്കുലര് രോഗങ്ങള് വര്ധിക്കുന്നതിനും ഇടയാക്കുന്നതാണ്. വാസ്കുലര് രോഗങ്ങളെക്കുറിച്ചു ജനങ്ങള്ക്കിടയില് ശരിയായ അവബോധമില്ല.
'അവയവ വിച്ഛേദന രഹിത കേരളം' എന്ന ലക്ഷ്യം മുന്നിര്ത്തി ഒരു വര്ഷം നീളുന്ന ബോധവല്ക്കരണ പരിപാടിക്കു തുടക്കമിിരിക്കുകയാണ് വാസ്കുലര് സൊസൈറ്റി ഇപ്പോൾ. വാസ്കുലര് സര്ജറി ചികിത്സയിലൂടെ പരമാവധി ഒഴിവാക്കുകയാണ് ബോധവല്ക്കരണ പരിപാടിയിലൂടെ ലക്ഷ്യമിടുന്നത് തന്നെ.
അതോടൊപ്പം തന്നെ 'അവയവ വിച്ഛേദന രഹിത കേരളം' പ്രചാരണത്തിന്റെ ഭാഗമായി വാസ്കിന്റെ നേതൃത്വത്തില് തിരുവനന്തപുരം, കോട്ടയം, എറണാകുളം, കോഴിക്കോട്, കണ്ണൂര് ജില്ലകളില് ഉള്പ്പടെ സംസ്ഥാനത്തുടനീളം ബോധവല്ക്കരണ പരിപാടികള് സംഘടിപ്പിക്കുകയുണ്ടായി. ഇന്ത്യന് മെഡിക്കല് അസോസിയേഷന് (ഐഎംഎ) തിരുവനന്തപുരം ഘടകവുമായി ചേര്ന്നു നടത്തിയ പൊതുജനാരോഗ്യ ബോധവല്ക്കരണ പരിപാടിയില് സൊസൈറ്റി പ്രസിഡന്റ് ഡോ.ആര്.സി.ശ്രീകുമാര്, ഡോ.ബിന്നി ജോണ്, ് ഡോ.വിമല് ഐപ്, ഡോ.സുനില് രാജേന്ദ്രന് എന്നിവര് പ്രഭാഷണം നടത്തി.
അതേസമയം ജില്ലാ അടിസ്ഥാനത്തില് മികച്ച ഡോക്ടര്മാരുടെ സേവനം ലഭ്യമാക്കാന് നടപടി തുടങ്ങിയെന്നു വാസ്കുലര് സൊസൈറ്റിഭാരവാഹികള് അറിയിച്ചു. കൂടുതല് വിവരങ്ങള്ക്ക് www.vask.co.in എന്ന വെബ്സൈറ്റ് സന്ദര്ശിക്കുക.
https://www.facebook.com/Malayalivartha
