കരിപ്പൂര്‍ സ്വര്‍ണ്ണക്കടത്ത് കേസില്‍ ആരോപണവിധേയനായ ആകാശ് തില്ലങ്കരിയുടെ പുതിയ പോസ്റ്റ് ശ്രദ്ധനേടുന്നു. സ്വര്‍ണ്ണക്കടത്ത് കേസില്‍ പ്രതിയായ അര്‍ജുന്‍ ആയങ്കിയുടെ സുഹൃത്ത കൂടിയായ ആകാശ് കണ്ണൂരിലെ യൂത്ത് കോണ്‍ഗ്രസ്‌ പ്രവര്‍ത്തകന്‍ ഷുഹൈബ് വധക്കേസിലെ പ്രതി കൂടിയാണ്.

'ആരോപണങ്ങള്‍ക്ക് നേരെ തലകുനിക്കാന്‍ മാത്രം ഞാന്‍ അപരാധി അല്ല… എനിക്ക് നേരെ വിരല്‍ ചൂണ്ടിയവരാരും വിശുദ്ധരല്ല… !!!!'- എന്നാണു ആകാശ് കുറിച്ചിരിക്കുന്നത്.

സ്വര്‍ണ്ണക്കടത്ത് വിവാദത്തില്‍ ആരോപണവിധേയന്‍ ആയതിനു പിന്നാലെ ഉയര്‍ന്ന വിമർശനങ്ങള്‍ക്കുള്ള മറുപടിയാണ് ആകാശിന്റെ പോസ്റ്റ്. തന്നെ വിമര്‍ശിച്ചവര്‍ ആരും വിശുദ്ധരല്ലെന്നു ആകാശ് പറയുന്നു.