പാണക്കാട് മുഈനലി ശിഹാബ് തങ്ങള്‍ക്കെതിരായ നടപടി ചര്‍ച്ച ചെയ്യാന്‍ ഇന്നലെ ചേര്‍ന്ന ലീഗ് യോഗത്തില്‍ നടന്നത് രൂക്ഷമായ വാക്പോര് തന്നെയാണ് നടന്നത്. ഒരിക്കലും പ്രതീക്ഷിക്കാത്ത തിരിച്ചടി തന്നെയാണ് കുഞ്ഞാലികുട്ടിക്ക് ഇപ്പോൾ നേരിടേണ്ടി വരുന്നത്. ഇത്രയും കാലം ഉണ്ടാക്കിയെടുത്ത സല്പേര് നശിപ്പിക്കാൻ ജലീലിനെ പോലെയുള്ളവർകച്ചകെട്ടി ഇറങ്ങുമ്പോൾ വേറെ എന്തു പറയാൻ ആണ്!

കഴിഞ്ഞ ദിവസം ലീ​ഗ്​ ഹൗ​സി​ലെ വാ​ർ​ത്താ​ സ​മ്മേ​ള​ന​ത്തി​നി​ട​യി​ൽ ത​നി​ക്കെ​തി​രെ ആ​രോ​പ​ണ​മു​ന്ന​യി​ച്ച മു​ഈ​ന​ലി​ക്കെ​തി​രെ ഇ​പ്പോ​ൾ ന​ട​പ​ടി വേ​ണ്ടെ​ന്ന തീ​രു​മാ​നം മു​സ്​​ലിം ലീ​ഗ്​ ദേ​ശീ​യ ജ​ന. സെ​ക്ര​ട്ട​റി പി.​കെ. കു​ഞ്ഞാ​ലി​ക്കു​ട്ടി​ക്ക്​ ക​ന​ത്ത തിരിച്ചടി ആയിരിക്കുകയാണ്. ന​ട​പ​ടി​ക്കെ​തി​രെ പാ​ണ​ക്കാ​ട്​ കു​ടും​ബം ശ​ക്ത​മാ​യി നി​ല​യു​റ​പ്പി​ച്ച​തോ​ടെ മ​റി​ച്ചൊ​രു തീ​രു​മാ​ന​മെ​ടു​ക്കാ​ൻ ഉ​ന്ന​താ​ധി​കാ​ര സ​മി​തി​ക്ക്​ ക​ഴി​യാ​ത്ത അ​വ​സ്ഥ​യാ​ണ്​ ​യോഗ​ത്തി​ലു​ണ്ടാ​യ​ത്. ഉ​ന്ന​താ​ധി​കാ​ര സ​മി​തി യോ​ഗ​ത്തി​ൽ പാ​ണ​ക്കാ​ട്​ കു​ടും​ബ​ത്തി​ലെ പ്ര​ധാ​ന അം​ഗ​ങ്ങ​ളെ​ല്ലാം ഇ​രു​ന്ന്​ തീ​രു​മാ​ന​മെ​ടു​ത്ത​തും ലീഗിന്റെ ച​രി​ത്ര​ത്തി​ൽ ആ​ദ്യം.

കോ​ഴി​ക്കോ​ട്​ ന​ട​ന്ന വാ​ർ​ത്ത​സ​മ്മേ​ള​ന​ത്തി​ൽ ഹൈ​ദ​ര​ലി ത​ങ്ങ​ളു​ടെ മ​ക​ൻ​കൂ​ടി​യാ​യ മു​ഈ​ന​ലി ശി​ഹാ​ബ്​ ത​ങ്ങ​ൾ ന​ട​ത്തി​യ വെ​ളി​പ്പെ​ടു​ത്ത​ൽ കു​ഞ്ഞാ​ലി​ക്കു​ട്ടി​ക്ക്​ ഏ​റ്റ ശ​ക്ത​മാ​യ അ​ടി​യാ​യി​രു​ന്നു. നി​യ​മ​സ​ഭ സ​മ്മേ​ള​ന​ത്തി​ന്​ തി​രു​വ​ന​ന്ത​പു​ര​ത്താ​യി​രു​ന്ന അ​ദ്ദേ​ഹം അ​ടി​യ​ന്ത​ര​മാ​യി മ​ല​പ്പു​റ​ത്തെ​ത്തി ന​ട​ത്തി​യ ച​ര​ടു​വ​ലി​ക​ൾ പാളിപ്പോകുന്ന കാ​ഴ്​​ച​യാ​ണ്​ യോ​ഗ​ത്തി​ൽ കാണാൻ സാധിച്ചത്.

മു​ഈ​ന​ലി​യെ വൈ​സ്​ പ്ര​സി​ഡ​ൻ​റ്​ സ്ഥാ​ന​ത്തു​നി​ന്ന്​ മാ​റ്റാ​ൻ യൂ​ത്ത്​ ലീ​ഗ്​ ദേ​ശീ​യ ക​മ്മി​റ്റി​യി​ലൂ​ടെ​യും നീ​ക്കം ന​ട​ത്തി​യെ​ങ്കി​ലും വി​ജ​യം ക​ണ്ടി​ല്ല. റ​ഷീ​ദ​ലി ത​ങ്ങ​ൾ ഉ​ൾ​പ്പെ​ടെ പാ​ണ​ക്കാ​ട്​ കു​ടും​ബ​ത്തി​ലെ ഭൂ​രി​ഭാ​ഗ​വും അ​ടി​യ​ന്ത​ര ന​ട​പ​ടി ഉ​ണ്ടാ​കു​ന്ന​തി​നെ​തി​രെ നി​ല​യു​റ​പ്പി​ച്ച​പ്പോ​ൾ കു​ഞ്ഞാ​ലി​ക്കു​ട്ടി​ക്കൊ​പ്പ​മാ​യി​രു​ന്ന സാ​ദി​ഖ​ലി ത​ങ്ങ​ൾ​ക്കും മ​റി​ച്ചൊ​രു നി​ല​പാ​ട്​ സ്വീ​ക​രി​ക്കാൻ സാധിച്ചില്ല.

മു​ഈ​ന​ലി വാ​ർ​ത്ത​സ​മ്മേ​ള​ന​ത്തി​ൽ ന​ട​ത്തി​യ പ​ര​സ്യ വി​മ​ർ​ശ​നം തെ​റ്റാ​യെ​ന്ന്​ എ​ല്ലാ​വ​രും സ​മ്മ​തി​ച്ചെ​ങ്കി​ലും ന​ട​പ​ടി​യെ​ടു​ക്കു​ന്ന​ത്​ കാ​ര്യ​ങ്ങ​ൾ കൂ​ടു​ത​ൽ വ​ഷ​ളാ​ക്കു​മെ​ന്ന്​ കു​ടും​ബം ബോ​ധ്യ​പ്പെ​ടു​ത്തി. വി​ഷ​യം കു​ടും​ബ പ്ര​ശ്​​ന​മാ​യി മാ​റു​ന്ന സാ​ഹ​ച​ര്യ​മു​ണ്ടാ​കു​ന്ന​തും ഹൈ​ദ​ര​ലി ത​ങ്ങ​ൾ രോ​ഗാ​വ​സ്ഥ​യി​ലാ​ണെ​ന്ന​തും ക​ണ​ക്കി​ലെ​ടു​ക്കേ​ണ്ട​തു​ണ്ടെ​ന്ന്​ നേ​താ​ക്ക​ൾ ആശങ്കയറിയിച്ചു.

യൂ​ത്ത്​ ലീ​ഗ്​ ദേ​ശീ​യ ഭാ​ര​വാ​ഹി​ക​ളെ​യും യോ​ഗ​ത്തി​​ലേ​ക്ക്​ ക്ഷ​ണി​ച്ച്​ അ​ഭി​പ്രാ​യം തേടിയിരുന്നു. വി​ഷ​യം ന​ട​ന്ന​ത്​ ലീ​ഗ്​ ആ​സ്ഥാ​ന​ത്താ​യ​തി​നാ​ലും ചന്ദ്രി​ക​യെ​ക്കു​റി​ച്ചാ​യ​തി​നാ​ലും ത​ങ്ങ​ൾ​ക്ക്​ പ്ര​ത്യേ​കി​ച്ച്​ അ​ഭി​പ്രാ​യ​​മി​ല്ലെ​ന്നും പാ​ർ​ട്ടി എ​ടു​ക്കു​ന്ന ഏ​തു​ തീ​രു​മാ​ന​വും അം​ഗീ​ക​രി​ക്കു​മെ​ന്നു​മാ​യി​രു​ന്നു അ​വ​ർ വ്യക്തമാക്കിയത്.

ഇ​തോ​ടെ ന​ട​പ​ടി, യോ​ഗ​ത്തി​ൽ വേ​ണ്ടെ​ന്ന നി​ല​പാ​ടി​ലേ​ക്ക്​ നേ​താ​ക്ക​ൾ എ​ത്തു​ക​യും അ​ധ്യ​ക്ഷ​നാ​യ പി​താ​വ്​ ഹൈ​ദ​ര​ലി ത​ങ്ങ​ൾ​ത​ന്നെ തീ​രു​മാ​ന​മെ​ടു​ക്ക​​ട്ടെ എ​ന്ന നി​ല​യി​ലേ​ക്ക്​ എ​ത്തു​ക​യും ചെ​യ്​​തു. താ​ൻ ക​ക്ഷി​യാ​യ പ്ര​ശ്​​ന​മാ​യ​തി​നാ​ൽ കു​ഞ്ഞാ​ലി​ക്കു​ട്ടി യോ​ഗ​ത്തി​ൽ പ്ര​ത്യേ​കി​ച്ച്​ അ​ഭി​പ്രാ​യ​മൊ​ന്നും പ​റ​ഞ്ഞി​ല്ലെ​ന്നാ​ണ്​ അ​റി​യു​ന്ന​ത്.

ഇതുകൂടാതെ, ലീഗ് നേതൃയോഗത്തില്‍ കുഞ്ഞാലിക്കുട്ടിയെ രൂക്ഷമായി വിമര്‍ശിച്ച് കെ പി എ മജീദും രം​ഗത്തെത്തിയിരുന്നു. പി എം എ സലാം മാത്രമാണ് കുഞ്ഞാലിക്കുട്ടിയെ പിന്തുണച്ചത്.

അതേസമയം, ഈ വിഷയത്തിൽ പദവിയൊഴിയുമെന്നായിരുന്നു കുഞ്ഞാലിക്കുട്ടിയുടെ ഭീഷണി. എംഎല്‍എ സ്ഥാനവും പാര്‍ട്ടി പദവിയും ഒഴിയുമെന്ന് യോഗത്തില്‍ കുഞ്ഞാലിക്കുട്ടി ഭീഷണി മുഴക്കിയെന്നാണ് വിവരം. മുഈനലിക്ക് കാരണം കാണിക്കല്‍ നോട്ടീസ് നല്‍കണമെന്നും അദ്ദേഹം ആവശ്യപ്പെട്ടു.

പി കെ കുഞ്ഞാലിക്കുട്ടിക്കെതിരെ പരസ്യവിമർശനം നടത്തിയ മുഈനലി തങ്ങളുടെ കാര്യത്തിൽ എന്ത് വേണമെന്ന് പാണക്കാട് ഹൈദരലി ശിഹാബ് തങ്ങൾ ഇന്ന് തീരുമാനിക്കും. ഇന്നലെ ഉന്നതാധികാരസമിതിയിൽ നടന്ന ചർച്ചയുടെ വിശദാംശങ്ങൾ ഇന്ന് തങ്ങളെ ബോധ്യപെടുത്തി വിഷയം അവസാനിപ്പിക്കാനാണ് ലീഗ് നേതൃത്വത്തിന്‍റെ തീരുമാനം.

മുഈനലി തങ്ങള്‍ക്കെതിരെ കടുത്ത നടപടി വേണമെന്ന് ആദ്യം ആലോചിച്ചിരുന്നെങ്കിലും പാണക്കാട് കുടുംബത്തില്‍ നിന്ന് തന്നെ ഒത്തുത്തീര്‍പ്പ് ഉണ്ടാകുകയായിരുന്നു.

ഖേദപ്രകടനം നടത്തണമെന്നതടക്കമുള്ള ഉപാധികള്‍ അംഗീരിച്ചതോടെയാണ് അച്ചടക്ക നടപടിയില്‍ നിന്ന് മുഈനലി തങ്ങളെ ഒഴിവാക്കിയതെന്നാണ് കുഞ്ഞാലിക്കുട്ടി പക്ഷത്തിന്‍റെ അവകാശ വാദം. എന്നാല്‍ മുഈനലിയെ അനുകൂലിക്കുന്നവർ ഇത് തള്ളുകയാണ് ചെയ്യുന്നത്.