ടോക്കിയോ ഒളിംപിക്സില്‍ വെങ്കല മെഡല്‍ നേടിയ മലയാളി താരം പി.ആര്‍. ശ്രീജേഷിനെ സംസ്ഥാന സര്‍ക്കാര്‍ പാരിതോഷികം നല്‍കണമെന്ന് ഷാഫി പറമ്ബില്‍ എംഎല്‍എ. 50 വര്‍ഷത്തിന് ശേഷമാണ് ഒരു മലയാളി ഒളിംപിക്‌സില്‍ മെഡല്‍ നേടുന്നതെന്ന് ഷാഫി പറയുന്നു.

മുഖ്യമന്ത്രിക്കും കായിക വകുപ്പ് മന്ത്രിക്കും കത്തയ കത്തിലാണ് ഷാഫി ഇക്കാര്യം പറയുന്നത്. ഇത്തരത്തില്‍ പാരിതോഷികം നല്‍കുന്നത് വരും തലമുറയ്ക്ക് പ്രചോദനമാകുമെന്നും അദ്ദേഹം അദ്ദേഹം ഫേസ്ബുക്ക് കുറിപ്പിലൂടെ വ്യക്തമാക്കി.

ഏതാണ്ട് 50 വർഷത്തിന് ശേഷമാണ് ഒരു മലയാളി ഒളിമ്പിക്ക് മെഡൽ നേടുന്നത് . 1972 ലെ മ്യൂണിച്ച് ഒളിംപിക്സിൽ വെങ്കല മെഡൽ നേടിയ അന്നത്തെ ഹോക്കി ടീം ഗോൾകീപ്പർ മാനുവൽ ഫെഡറിക്‌സിന് ശേഷം ഈ നേട്ടം നമ്മുക്ക് നൽകിയ നാടിന്റെ അഭിമാന പുത്രൻ പി ആർ ശ്രീജേഷിന് അടിയന്തിരമായി പാരിതോഷികം പ്രഖ്യാപിക്കണമെന്ന് അഭ്യർത്ഥിച്ച് മുഖ്യമന്ത്രിക്കും കായിക വകുപ്പ് മന്ത്രിക്കും കത്ത് നൽകി... എന്നായിരുന്നു ഷാഫി പറമ്പിൽ വ്യക്തമാക്കിയത്.