പ്ലസ് ടു വിദ്യാര്‍ഥിനിയായ 16കാരിയായെ പ്രേമം നടിച്ച് വീട്ടിലെത്തി പീഡിപ്പിച്ച് ഗര്‍ഭിണിയാക്കിയെന്ന കേസില്‍ പ്രതിക്ക് മരണം വരെ തടവും 1.6 ലക്ഷം രൂപ പിഴയും. പെണ്‍കുട്ടിയെ പീഡിപ്പിച്ച കേസില്‍ കല്ലായി കപ്പക്കല്‍ മുണ്ടിപ്പറമ്ബ് മുഹമ്മദ് ഹര്‍ഷാദിനാണ് (29) പോക്‌സോ പ്രത്യേക കോടതി ജഡ്ജി സി.ആര്‍. ദിനേഷ് കഠിനതടവ് വിധിച്ചത്. കുട്ടിക്ക് നേരിട്ട മാനസികാഘാതത്തിന് ലീഗല്‍ സര്‍വിസസ് അതോറിറ്റി വഴി ഒരു ലക്ഷം രൂപ നഷടം നല്‍കണമെന്നും വിധിയിലുണ്ട്. പ്രതി പിഴയടച്ചാല്‍ ഒരു ലക്ഷം രൂപ ഇരക്ക നല്‍കണം. വെള്ളയില്‍ പൊലീസ് രജിസറ്റര്‍ ചെയ്ത കേസില്‍ സ്‌പെഷല്‍ പ്രോസിക്യൂട്ടര്‍ കെ. സുനില്‍കുമാര്‍ പ്രോസിക്യൂഷന് വേണ്ടി ഹാജരായി.

പ്രതിക്കെതിരെ സമാനമായ കേസ് കോഴിക്കോട് മെഡിക്കല്‍ കോളജ് പൊലീസ് സറ്റേഷനിലും നിലവിലുണ്ട്. സ്‌കൂളുകള്‍ക്ക് മുന്നില്‍ ബൈക്കില്‍ കറങ്ങി പെണ്‍കുട്ടികളെ വലയിലാക്കുന്ന പ്രതി, കുട്ടിയുടെ വീട്ടിലാളില്ലാത്ത സമയം പീഡിപ്പിച്ചെന്നാണ് കേസ്. 2020 മേയ് ഒന്നിന് കുട്ടി ബാത്‌റൂമില്‍ പ്രസവിച്ചപ്പോഴാണ് വീട്ടുകാര്‍ വിവരമറിയുന്നത്. അന്ന് ആശുപത്രി വഴി ലഭിച്ച പരാതിയില്‍ ഡി.എന്‍.എ പരിശോധനാഫലം അടക്കം കുറ്റപത്രം 90 ദിവസത്തിനകം പൊലീസ് കോടതിയില്‍ സമര്‍പ്പിച്ചതിനാല്‍ പ്രതിക്ക് ജാമ്യം ലഭിച്ചിരുന്നില്ല. കോവിഡുമായി ബന്ധപ്പെട്ട തടസ്സങ്ങള്‍ക്കിടയിലും 2021 മാര്‍ച്ചില്‍ വിചാരണ പെട്ടെന്ന് ആരംഭിച്ച് വിധിപറയുകയായിരുന്നു.
കേസ് രജിസറ്റര്‍ ചെയ്ത് രണ്ടാം ദിവസം അറസറ്റിലായ പ്രതിക്ക് വിവിധ വകുപ്പുകളിലായി 27 വര്‍ഷം കഠിനതടവ് വേറെയും വിധിച്ചു. വെള്ളയില്‍ പൊലീസ് ഇന്‍സ്‌പെക്ടര്‍ ജി. ഗോപകുമാറാണ് അന്വേഷിച്ചത്. കണ്ണൂര്‍ ഫോറന്‍സിക് ഡി.എന്‍.എ വിഭാഗം അസി. ഡയറക്ടര്‍ അജേഷ് തെക്കടവനാണ് ഡി.എന്‍.എ പരിശോധന നടത്തിയത. കേസില്‍ ഇരയായ പെണ്‍കുട്ടിയടക്കം 52 സാക്ഷികളെ വിസ്തരിച്ചു.