റോഡരികില് യുവാവിനെ മരിച്ച നിലയില് കണ്ടെത്തിയ സംഭവത്തില് ദുരൂഹത; മരിക്കുന്നതിന് മുമ്ബ് നഗ്നനായി ഓടുന്ന ദൃശ്യം സിസിടിവിയില്
റോഡരികില് യുവാവിനെ മരിച്ച നിലയില് കണ്ടെത്തിയ സംഭവത്തില് ദുരൂഹതയെന്ന് ബന്ധുക്കള്. തൃപ്പൂണിത്തുറ തെക്കുംഭാഗം സ്വദേശി മനോജ്(40) ആണ് കഴിഞ്ഞ ദിവസം ഇരുമ്പനത്ത് റോഡരികില് മരിച്ച നിലയില് കണ്ടെത്തിയത്. മരിക്കുന്നതിന് തൊട്ടുമുമ്ബ് യുവാവ് റോഡിലൂടെ നഗ്നനായി ഓടിയതിന്റെ സിസിടിവി ദൃശ്യങ്ങള് പൊലീസിന് ലഭിച്ചു. ഇരുമ്പനം തണ്ണീര്ച്ചാലിന് സമീപമാണ് മനോജിന്റെ മൃതദേഹം കണ്ടെത്തിയത്.
മരിച്ച ദിവസം രാത്രി 7.30 വരെ മനോജ് വീട്ടില് ഉണ്ടായിരുന്നതായി ബന്ധുക്കള് പറയുന്നു. ഇരുമ്പനത്ത് മനോജിന് സുഹൃത്തുക്കളോ ബന്ധുക്കളോ ഇല്ല. അതുകൊണ്ടു തന്നെ അവിടേക്ക് പോകേണ്ട ആവശ്യവുമില്ലെന്ന് ബന്ധുക്കള് പറയുന്നു. സംഭവത്തില് ശക്തമായ അന്വേഷണം വേണമെന്നും ബന്ധുക്കള് ആവശ്യപ്പെടുന്നു. കുറച്ചുകാലം മുമ്പ് വരെ കടുത്ത മദ്യപാനി ആയിരുന്നെങ്കിലും അടുത്തിടെയായി ഈ ശീലം പൂര്ണമായി ഉപേക്ഷിച്ചിരുന്നതായി മനോജിന്റെ സഹോദരന് ബാബു പറയുന്നു. വെള്ളിയാഴ്ച രാത്രി വീട്ടില്നിന്ന് പുറത്തേക്ക് ഇറങ്ങുമ്ബോള് ടീഷര്ട്ടും മുണ്ടുമാണ് ധരിച്ചിരുന്നത്. മനോജ് രാത്രി വൈകിയിട്ടും തിരിച്ചെത്താതായതോടെ പൊലീസില് പരാതി നല്കിയിരുന്നതായും ബാബു പറയുന്നു.
മനോജിന്റെ മൃതശരീരത്തില് പരിക്കുകള് കണ്ടെത്തിയത് മരണത്തില് ദുരൂഹത വര്ദ്ധിപ്പിക്കുന്നുവെന്ന് ബന്ധുക്കള് പറയുന്നു. ശരീരത്തിലും തലയിലും മുറിവുകളുണ്ട്. എന്നാല് ഇത് വീഴ്ചയുടെ ഫലമായി ഉണ്ടായതാകാമെന്നാണ് ഡോക്ടര്മാര് പറഞ്ഞതെന്ന് പൊലീസ് പറയുന്നു. പോസ്റ്റ് മോര്ട്ടം റിപ്പോര്ട്ടില് ഒന്നും കണ്ടെത്താനായിട്ടില്ല. ഹൃദയത്തില് ഏതാനും ബ്ലോക്ക് ഉള്ളതായി കണ്ടെത്തിയിട്ടുണ്ട്. എന്നാല് ഇതാണ് മരണകാരണമെന്ന് പോസ്റ്റ്മോര്ട്ടം റിപ്പോര്ട്ട് ഉറപ്പിച്ച് പറയുന്നില്ല. ആന്തരികാവയവങ്ങള് രാസപരിശോധനയ്ക്ക് അയച്ചിട്ടുണ്ട്. ഇതിന്റെ ഫലം വരുമ്ബോള് മരണകാരണം വ്യക്തമാകുമെന്ന പ്രതീക്ഷയിലാണ് പൊലീസ്.
https://www.facebook.com/Malayalivartha