കോവിഡ് രോഗബാധിതരുടെ എണ്ണത്തില് വര്ദ്ധനവ്..... നിയന്ത്രണം വീണ്ടും കടുപ്പിക്കുന്നു..... ഓണത്തിന് ആള്ക്കൂട്ടം ഉണ്ടാകുന്ന പരിപാടികള് അനുവദിക്കില്ല, ബീച്ചുകളില് വീണ്ടും നിയന്ത്രണം, ലൈസന്സ് ഉള്ളവര്ക്കു മാത്രം വഴിയോരകച്ചവടം, ലോക്ക്ഡൗണ് കൂടും...
കോവിഡ് രോഗബാധിതരുടെ എണ്ണത്തില് വര്ദ്ധനവ്..... നിയന്ത്രണം വീണ്ടും കടുപ്പിക്കുന്നു..... ഓണത്തിന് ആള്ക്കൂട്ടം ഉണ്ടാകുന്ന പരിപാടികള് അനുവദിക്കില്ല, ബീച്ചുകളില് വീണ്ടും നിയന്ത്രണം, ലൈസന്സ് ഉള്ളവര്ക്കു മാത്രം വഴിയോരകച്ചവടം, ലോക്ക്ഡൗണ് കൂടും...
കണക്കുകൂട്ടലുകളെല്ലാം തെറ്റിച്ച് രോഗബാധിതരുടെ എണ്ണം വര്ദ്ധിക്കുന്നതിന്റെ പശ്ചാത്തലത്തില് കൊവിഡ് പ്രതിരോധ നിയന്ത്രണങ്ങള് വീണ്ടും ശക്തമാക്കാന് മുഖ്യമന്ത്രി പിണറായി വിജയന്റെ അദ്ധ്യക്ഷതയില് ചേര്ന്ന പ്രതിവാര കൊവിഡ് അവലോകനയോഗത്തില് തീരുമാനിച്ചു.
അതേസമയം, കടകളില് പ്രവേശിക്കുന്നതിന് ഏര്പ്പെടുത്തിയ നിബന്ധനകള്, അവശ്യവസ്തുക്കള് വാങ്ങാന് പോകുന്നതിന് ബാധകമല്ലെന്ന് സര്ക്കാര് വ്യക്തമാക്കി.
നിലവില് വാക്സിന് എടുത്തവര്,രോഗം ഭേദമായവര് എന്നിവര്ക്ക് മാത്രമാണ് കടകളില് പ്രവേശനം അനുവദിച്ചിരുന്നത്. അല്ലാത്തവര്ക്ക് കൊവിഡ് നെഗറ്റീവെന്ന് തെളിയിക്കുന്ന ആര്.ടി.പി.സി.ആര് സര്ട്ടിഫിക്കറ്റ് വേണമായിരുന്നു
.പ്രതിവാര ഇന്ഫക്ഷന് പോപ്പുലേഷന് റേഷ്യോ (ഡബ്ളിയു.ഐ.പി.ആര്) എട്ടിന് മുകളിലുള്ള സ്ഥലങ്ങളില് ലോക്ക് ഡൗണ് നടപ്പാക്കാനാണ് നിര്ദ്ദേശം. നിലവില് ഇതു പത്തു കടന്ന സ്ഥലങ്ങളിലാണ് ലോക്ക് ഡൗണ്.
ഇന്നലെത്തെ കണക്ക് അനുസരിച്ച് 266 വാര്ഡുകളില് ഇതു പത്തിന് മുകളിലാണ്. നിയന്ത്രണ പരിധി എട്ടാകുന്നതോടെ നൂറോളം വാര്ഡുകള് കൂടി ഉള്പ്പെടും. ഈ നിരക്ക് 14 കടന്ന ജില്ലകളില് മൈക്രോ കണ്ടയ്ന്മെന്റ് സോണുകള് 50 ശതമാനത്തിലധികം വര്ദ്ധിപ്പിക്കും.
തദ്ദേശ സ്ഥാപനാടിസ്ഥാനത്തില് വ്യാപാരികളുടെ യോഗം വിളിക്കും. തദ്ദേശ സ്ഥാപന അധ്യക്ഷന്മാരും പങ്കെടുക്കും.വിദേശത്തു പോകാനായി വിമാനത്താവളങ്ങളില് എത്തുന്നവര്ക്ക് ആര് ടി പി സി ആര് ടെസ്റ്റ് നടത്തുന്നതിനു ഏകീകൃത നിരക്ക് നിശ്ചയിക്കും.
ശബരിമലയില് മാസപൂജക്ക് പ്രതിദിനം 15,000 പേര്ക്ക് പ്രവേശനം അനുവദിക്കുമെങ്കിലും രണ്ടു ഡോസ് വാക്സിനോ 72 മണിക്കൂറിനകമുള്ള കോവിഡ് നെഗറ്റീവ് സര്ട്ടിഫിക്കറ്റോ നിര്ബന്ധം. വെര്ച്വല് ക്യൂവില് ബുക്ക് ചെയ്യണം.
ഓണത്തിന് ആള്ക്കൂട്ടം ഉണ്ടാകുന്ന പരിപാടികള് അനുവദിക്കില്ല. ബീച്ചുകളില് വീണ്ടും നിയന്ത്രണം . ലൈസന്സ് ഉള്ളവര്ക്കു മാത്രം വഴിയോരകച്ചവടം നടത്താം.
"
https://www.facebook.com/Malayalivartha