മദ്യം ഇനി ഒരു ഡോസ് വാക്സിനെടുത്തതിന്റെ രേഖയോ ആര്.ടി.പി.സി.ആര്. സര്ട്ടിഫിക്കറ്റോ ഉള്ളവര്ക്കു മാത്രം .... സംസ്ഥാനത്തെ മദ്യശാലകളില് നിന്ന് മദ്യം വാങ്ങാന് ഇനി മുതല് പുതിയ മാര്ഗനിര്ദേശം
ഒരു ഡോസ് വാക്സിനെടുത്തതിന്റെ രേഖയോ ആര്.ടി.പി.സി.ആര്. സര്ട്ടിഫിക്കറ്റോ ഉള്ളവര്ക്കു മാത്രം മദ്യം.... സംസ്ഥാനത്തെ മദ്യശാലകളില് നിന്ന് മദ്യം വാങ്ങാന് ഇനി മുതല് പുതിയ മാര്ഗനിര്ദേശം. ബുധനാഴ്ച മുതല് ബിവറേജ് കോര്പ്പറേഷന്റെ ഔട്ട്ലെറ്റുകളിലടക്കം ഈ നിബന്ധന നടപ്പാക്കും.
എല്ലാ ഔട്ട് ലെറ്റുകള്ക്കും മുന്നില് ഇതുസംബന്ധിച്ച നോട്ടീസ് പതിക്കാനും ബിവറേജ് കോര്പ്പറേഷന് നിര്ദേശം നല്കി. മാനദണ്ഡം പാലിക്കുന്നുണ്ടെന്ന് ഉറപ്പാക്കാന് മദ്യശാലകള്ക്കു മുന്നില് കൂടുതല് പോലീസ് സാന്നിധ്യവും ഉണ്ടായിരിക്കും.
രണ്ട് ഡോസ് വാക്സിന് സ്വീകരിച്ചവര്, രണ്ടാഴ്ചയ്ക്കു മുന്പ് ഒരു ഡോസെങ്കിലും എടുത്തവര്, 72 മണിക്കൂറിനുള്ളില് നടത്തിയ ആര്.ടി.പി.സി.ആര്. പരിശോധനയുടെ നെഗറ്റീവ് സര്ട്ടിഫിക്കറ്റ് ഉള്ളവര്, ഒരു മാസം മുന്പ് കോവിഡ് വന്നുപോയതിന്റെ സര്ട്ടിഫിക്കറ്റ് ഉള്ളവര്- എന്നിങ്ങനെയാണ് ബെവ്കോ നിയന്ത്രണം വിശദമാക്കുന്നത്. ഇതു പാലിക്കുന്നവര്ക്കു മാത്രമേ മദ്യശാലകളില് പ്രവേശനം അനുവദിക്കൂ.
കടകള്ക്കുള്ള മാനദണ്ഡം മദ്യശാലകള്ക്കും ബാധകമാക്കണമെന്ന് കഴിഞ്ഞ ദിവസം ഹൈക്കോടതി നിര്ദേശിച്ചിരുന്നു. ഈ സാഹചര്യത്തിലാണ് നടപടി.
അതേസമയം ഓണത്തിന് ആള്ക്കൂട്ടമുണ്ടാകുന്ന പരിപാടികള് അനുവദിക്കില്ല. ബീച്ചുകളില് നിയന്ത്രണമുണ്ടാകും. ലൈസന്സ് ഉള്ളവര്ക്കു മാത്രമാകും വഴിയോരക്കച്ചവടം അനുവദിക്കുക. തദ്ദേശ സ്വയംഭരണ സ്ഥാപനാടിസ്ഥാനത്തില് വ്യാപാരികളുടെ യോഗം വിളിക്കും.
ഒരു പോലീസ് സ്റ്റേഷന് പരിധിയില് വ്യത്യസ്ത തദ്ദേശ സ്ഥാപനങ്ങളുണ്ടെങ്കില് ഓരോ സ്ഥാപനത്തിന്റെയും യോഗം വെവേറെ വിളിക്കും. തദ്ദേശ സ്ഥാപന അധ്യക്ഷന്മാര് കൂടി പങ്കെടുത്തുകൊണ്ടാകും യോഗം ഇതുവരെ വാക്സിന് ലഭ്യമാകാത്തവര്ക്കും ചില അസുഖങ്ങള് കാരണം വാക്സിന് സ്വീകരിക്കാന് കഴിയാത്തവര്ക്കും അവശ്യസാധനങ്ങള് വാങ്ങുന്നതിനു കടകളില് പോകാന് അനുവദിക്കണമെന്ന ആവശ്യം ഉയര്ന്നിട്ടുണ്ട്.
കടകളിലും മറ്റും പോകാന് അര്ഹതാ മാനദണ്ഡമുള്ള ആരും തന്നെ വീട്ടിലില്ലെങ്കില് അവശ്യസാധനങ്ങള് വാങ്ങാന് കടകളില് പോകാവുന്നതാണ്. ഇത്തരത്തിലുള്ള വീടുകളില് ഹോം ഡെലിവറി ചെയ്യാന് വ്യാപാരികള് ശ്രദ്ധിക്കണം. അവര്ക്ക് കടകളില് പ്രത്യേക പരിഗണന നല്കണം.
https://www.facebook.com/Malayalivartha