കോ​ഴി​ക്കോ​ട് മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ ചി​കി​ത്സ​യി​ലി​രു​ന്ന രോ​ഗി മൂ​ന്നാം നി​ല​യി​ല്‍​നി​ന്ന് ചാ​ടി മ​രി​ച്ചു. മ​ല​പ്പു​റം കല്‍പകഞ്ചേരി ചെറവന്നൂര്‍ തുറക്കല്‍പടി കുന്നത്ത് പറമ്ബില്‍ കൃഷ്ണന്‍ (65) ആണ്​ മ​രി​ച്ച​ത്. ബു​ധ​നാ​ഴ്​​ച പു​ല​ര്‍​ച്ച 3.30 ഓ​ടെ​യാ​ണ് സം​ഭ​വം. മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലെ 24ാം വാ​ര്‍​ഡി​ല്‍ ര​ണ്ടാ​ഴ്​​ച​യാ​യി ചി​കി​ത്സ​യി​ലാ​യി​രു​ന്നു.

സ​മീ​പ​ത്ത് കി​ട​ന്ന മ​ക​ന്‍ അ​റി​യാ​തെ എ​ഴു​ന്നേ​റ്റ് പു​റ​ത്തെ വ​രാ​ന്ത​യി​ല്‍ പോ​യി ജ​ന​ലി​ലൂ​ടെ താ​ഴേ​ക്ക് ചാ​ടു​ക​യാ​യി​രുന്നെന്നാ​ണ് പൊ​ലീ​സ് പ​റ​ഞ്ഞ​ത്. ശ​ബ്​​ദം കേ​ട്ട​യു​ട​ന്‍ സു​ര​ക്ഷ ജീ​വ​ന​ക്കാ​രും മ​റ്റു രോ​ഗി​ക​ളു​ടെ ബ​ന്ധു​ക്ക​ളും ഓ​ടി​യെ​ത്തി അ​ത്യാ​ഹി​ത വി​ഭാ​ഗ​ത്തി​ലെ​ത്തി​ച്ച​പ്പോ​ഴേ​ക്കും മ​രി​ച്ചു.

വൃ​ക്ക രോ​ഗി​യാ​യ കൃ​ഷ്​​ണ​ന് കോ​വി​ഡ്​ ബാ​ധി​ച്ചി​രു​ന്നു. തു​ട​ര്‍​ന്ന്​ വൃ​ക്ക രോ​ഗം മൂ​ര്‍​ച്ഛി​ക്കു​ക​യും ശ്വാ​സ​ത​ട​സ്സ​മു​ള്‍​പ്പെ​ടെ അ​നു​ഭ​വ​പ്പെ​ടു​ക​യും ചെ​യ്​​ത​തി​നെ തു​ട​ര്‍​ന്നാ​ണ് ചി​കി​ത്സ തേ​ടി​യ​ത്. കോ​വി​ഡാ​ന​ന്ത​ര പ്ര​ശ്​​ന​ങ്ങ​ള്‍​മൂ​ലം മാ​ന​സി​ക ബു​ദ്ധി​മു​ട്ടു​ക​ള്‍ അ​നു​ഭ​വി​ച്ചതാ​യി പൊ​ലീ​സ് പ​റ​ഞ്ഞു. പോ​സ്​​റ്റ്​​മോ​ര്‍​ട്ട​ത്തി​നു ശേ​ഷം മൃ​ത​ദേ​ഹം ബ​ന്ധു​ക്ക​ള്‍​ക്ക് വി​ട്ടു​ന​ല്‍​കി. ഭാര്യ: ഇന്ദിര. മക്കള്‍: അനുരൂപ്, ഷിനി, വിദ്യ. മരുമക്കള്‍: പ്രമോദ് (മാണിയംകാട്), പത്മരാജന്‍ (വട്ടത്താണി), അശ്വനി (കരിങ്കല്ലത്താണി). സഹോദരങ്ങള്‍: നാരായണന്‍, സരോജിനി, കാര്‍ത്യായിനി, പരേതയായ ലക്ഷ്​മി.