പതിവ് ആഘോഷങ്ങളോ ആരവങ്ങളോ ഇല്ലാതെ, തലേന്ന് ഉത്രാടപാച്ചിലില്ലാതെ ഒരോണക്കാലം എത്തിയിരിക്കുകയാണ്. നിരവധി പ്രമുഖരാണ് മലയാളികൾക്ക് ആശംസകൾ നേർന്നത്... മലയാളികൾക്ക് ഓണാശംസകൾ നേർന്ന് കേരള ഗവര്‍ണര്‍ ആരിഫ് മുഹമ്മദ് ഖാന്‍ രംഗത്ത്.

'സമത്വവും ഒരുമയും ഐശ്വര്യവും നിറഞ്ഞ ഒരു നല്ലകാലത്തിന്റെ ഓര്‍മ പുതുക്കുന്ന ഓണം ഓരോ മനസ്സിലും ഭവനത്തിലുംഉത്സവത്തിന്റെ സ്വര്‍ഗീയാനന്ദം പകരട്ടെയെന്ന് ഞാനാശംസിക്കുന്നു എന്നായിരുന്നു അദ്ദേഹത്തിന്റെ വാക്കുകൾ .

ഓണത്തിന്റെ ഈണവും സമ്പൽ സമൃദ്ധിയുടെ തിളക്കവും കേരളം നല്‍കുന്ന ഒരുമയുടെയും സമത്വത്തിന്റെയും സ്‌നേഹസന്ദേശമായി ലോകമെങ്ങും പരക്കട്ടെയെന്നും ഗവര്‍ണര്‍ ട്വിറ്ററില്‍ പങ്കു വെച്ച വീഡിയോയിലൂടെ ആശംസിക്കുകയുണ്ടായി.

മലയാളികൾക്ക് ഓണാശംസകൾ നേർന്ന് പ്രധാനമത്രി നരേന്ദ്രമോദിയും രംഗത്ത് വന്നിരുന്നു. ഉത്സാഹവും സാഹോദര്യവും ഐക്യവും ചേര്‍ന്ന ഉത്സവത്തിന് ആശംസകള്‍ നേരുന്നുവെന്ന് പ്രധാനമന്ത്രി പറഞ്ഞു.

‘ഓണത്തിന്റെ പ്രത്യേകവേളയില്‍, ഉത്സാഹവും സാഹോദര്യവും ഐക്യവും ചേര്‍ന്ന ഉത്സവത്തിന് ആശംസകള്‍. ഏവരുടെയും നല്ല ആരോഗ്യത്തിനും ക്ഷേമത്തിനും വേണ്ടി ഞാന്‍ പ്രാര്‍ത്ഥിക്കുന്നു.’-എന്നാണ് പ്രധാനമന്ത്രി ട്വീറ്റ് ചെയ്തിരിക്കുന്നത്.