തിരുവോണ ദിവസം സ്കൂട്ടര് നിയന്ത്രണംവിട്ട് ഓടയിലേക്ക് മറിഞ്ഞ് മൂന്നു യുവാക്കള്ക്ക് ദാരുണാന്ത്യം...
തിരുവോണ ദിവസം സ്കൂട്ടര് നിയന്ത്രണംവിട്ട് ഓടയിലേക്ക് മറിഞ്ഞ് മൂന്നു യുവാക്കള്ക്ക് ദാരുണാന്ത്യം. സ്കൂട്ടര് ഓടിച്ചിരുന്ന മാവേലിക്കര കൊച്ചാലുംമൂട് കുറ്റിപ്പറമ്പില് ഗോപാലന് സുകുമാരി ദമ്പതികളുടെ മകന് കെ.ജി. ഗോപന് (22), ഒപ്പമുണ്ടായിരുന്ന ചെറിയനാട് മാമ്പ്ര പുത്തന്പുര തെക്കേതില് രാമചന്ദ്രന് സുധ ദമ്പതികളുടെ മകന് ആര്. അനീഷ് (22), ചെറിയനാട് മാമ്പ്ര പ്ലാന്തറയില് ബാലകൃഷ്ണന് ബിന്ദു ദമ്പതികളുടെ മകന് ബാലു ബാലകൃഷ്ണന് (24) എന്നിവരാണ് മരിച്ചത്.
ശനിയാഴ്ച രാത്രി ഒമ്പതരയോടെ കൊല്ലകടവ് കോടുകുളഞ്ഞി ചെങ്ങന്നൂര് റോഡില് ആഞ്ഞിലിച്ചുവട് ജംഗ്ഷനിലായിരുന്നു അപകടം നടന്നത്.
ഇവര് സഞ്ചരിച്ചിരുന്ന സ്കൂട്ടര് കനാല് പാലത്തിനു സമീപം ജംഗ്ഷനിലെ വളവില് നിയന്ത്രണംവിട്ട് രണ്ടുവൈദ്യുതി തൂണുകള്ക്കിടയിലൂടെ ഓടയില് സ്ലാബില്ലാത്ത ഭാഗത്ത് മറിയുകയായിരുന്നെന്ന് പൊലീസ് പറഞ്ഞു.
ഗോപന് സംഭവസ്ഥലത്തുമരിച്ചു. പരിക്കേറ്റവരെ നാട്ടുകാര് കൊല്ലകടവിലെ സ്വകാര്യ ആശുപത്രിയിലെത്തിച്ചു. വണ്ടാനം മെഡിക്കല് കോളേജ് ആശുപത്രിയിലേക്ക് പോകുന്ന വഴിയാണ് ബാലു മരിച്ചത്. ഇന്നലെ രാവിലെ എട്ടിനാണ് അനീഷ് മെഡിക്കല് കോളേജില് ആശുപത്രിയില് മരിച്ചത്.
കൊച്ചാലുംമൂട്ടില് ടൂവീലര് ഷോറൂമിലെ ജീവനക്കാരനാണ്. ബാലു സര്വീസ് സ്റ്റേഷന് ജീവനക്കാരനാണ്.
"
https://www.facebook.com/Malayalivartha
