പിണറായി വിജയന് സര്കാര് രണ്ടാമതും അധികാരത്തില് വന്നത് കോണ്ഗ്രസ് പ്രവര്ത്തകരുടെ മനക്കരുത്ത് ചോര്ത്തി; ആറ് മാസത്തിനുള്ളിൽ പാർട്ടിയെ അടിമുടി പൊളിച്ചെഴുതുമെന്ന് കെപിസിസി പ്രസിഡന്റ് കെ സുധാകരന്
ഇന്നലെ കണ്ട കോണ്ഗ്രസ് അല്ലാ ആറ് മാസം കഴിഞ്ഞ് കാണാന് പോകുന്നതെന്ന് കെപിസിസി പ്രസിഡന്റ് കെ സുധാകരന്. അടി മുതല് മുടിവരെയുള്ള പൊളിച്ചെഴുത്തിലൂടെ കോണ്ഗ്രസിനെ വീണ്ടും ശക്തിപ്പെടുത്തണമെന്നും അദ്ദേഹം അഭിപ്രായപ്പെട്ടു. പിണറായി വിജയന് സര്കാര് രണ്ടാമതും അധികാരത്തില് വന്നത് കോണ്ഗ്രസ് പ്രവര്ത്തകരുടെ മനോനില തകരാറിലാക്കി, മനക്കരുത്ത് ചോര്ത്തി. പാര്ടിയുടെ അടിത്തട്ടിലെ ദൗര്ബല്യം സര്വേ നടത്തിയപ്പോള് വ്യക്തമായതാണെന്നും സുധാകരന് പറഞ്ഞു.
നേതാക്കള്ക്കെതിരെ സോഷ്യല് മീഡിയയില് വാരിവലിച്ചെഴുതുന്ന അണികള് പാര്ടിക്ക് ഭൂഷണമല്ല. പാര്ടി അച്ചടക്കം പരിശോധിക്കാന് എല്ലാ ജില്ലകളിലും അഞ്ച് അംഗ കണ്ട്രോള് കമീഷന് ഉണ്ടാകും. ഗ്രൂപിന്്റെ ഭാഗമല്ലാത്തതു കൊണ്ട് മികച്ച നേതാക്കള്ക്ക് പോയകാലത്ത് സ്ഥാനങ്ങള് കിട്ടിയില്ല. പാര്ടിക്കുള്ളിലെ സംഘടനാ തെരഞ്ഞെടുപ്പ് രണ്ടാം ഘട്ടത്തില് നടത്താനാണ് ആലോചനയെന്നും അദ്ദേഹം പറഞ്ഞു. 2024 ല് പാര്ലമെന്റ്, അസംബ്ളി തെരഞ്ഞെടുപ്പ് ഒരുമിച്ച് നടക്കാനാണ് സാധ്യത. പാര്ടി പ്രവര്ത്തകര് ഒറ്റക്കെട്ടായി പ്രവര്ത്തിക്കണമെന്നും സുധാകരന് പറഞ്ഞു.
https://www.facebook.com/Malayalivartha
