നിപ വൈറസ് ബാധിച്ച് മരിച്ച 12കാരനുമായി സമ്പര്ക്കം പുലര്ത്തിയവരുടെ പട്ടികയിലുള്ളത് 158 പേര്... 20 പേര് പ്രാഥമിക സമ്പര്ക്കത്തിലുള്ളവര്,രണ്ടുപേര് രോഗ ലക്ഷണങ്ങളുമായി ആശുപത്രിയില് ചികിത്സയില്
നിപ വൈറസ് ബാധിച്ച് മരിച്ച 12കാരനുമായി സമ്പര്ക്കം പുലര്ത്തിയവരുടെ പട്ടികയിലുള്ളത് 158 പേര്. അതില് 20 പേര് പ്രാഥമിക സമ്പര്ക്കത്തിലുള്ളവരാണ്. സമ്പര്ക്ക പട്ടികയിലുള്ള രണ്ടുപേര് രോഗ ലക്ഷണങ്ങളുമായി ആശുപത്രിയില് ചികിത്സയിലാണ്.
അതിനിടെ, നിപ മരണം സ്ഥിരീകരിച്ച സാഹചര്യത്തില് ആരോഗ്യ മന്ത്രി വീണാ ജോര്ജ് രാവിലെ കോഴിക്കോട്ടെത്തി. രാവിലെ ഗസ്റ് ഹൗസില് യോഗം ചേര്ന്ന ശേഷം കളക്ടറേറ്റില് വിവിധ വിഭാഗങ്ങളുടെ അവലോകന യോഗം ചേര്ന്നു.
നിപ കണ്ട്രോള് റൂം കോഴിക്കോട്ടു ആരംഭിച്ചിട്ടുണ്ടെന്ന് ആരോഗ്യ മന്ത്രി മാധ്യമങ്ങളോട് പറഞ്ഞു. കൂടാതെ മെഡിക്കല് കോളേജിലെ ഒരു വാര്ഡ് നിപ വാര്ഡ് ആക്കി മാറ്റിയിട്ടുണ്ടെന്നും മന്ത്രി വ്യക്തമാക്കി.
ചാത്തമംഗലം ചൂലൂരിലും പരിസരത്തും വിവിധ മെഡിക്കല് സംഘങ്ങള് സന്ദര്ശിച്ചുകൊണ്ടിരിക്കുകയാണ്. ഇന്നലെ രാത്രി വൈകിയാണ് മരണപ്പെട്ട കുട്ടിയുടെ പരിശോധന ഫലം പുറത്തു വന്നത്.
https://www.facebook.com/Malayalivartha
