താമരശേരി ചുരത്തിലുണ്ടായ വാഹനാപകടത്തില്‍ യുവാവ് മരിച്ചു. താമരശേരി ചുരം ഒമ്ബതാം വളവിന് സമീപം ചരക്ക് ലോറിയും കാറും കൂട്ടിയിടിച്ചാണ് അപകടമുണ്ടായത്. കൊടുവള്ളി പെരിയാംതോട് സ്വദേശി രാരോത്ത്ചാലില്‍ റംസിത്ത് (30) ആണ് മരിച്ചത്. അപകടത്തില്‍ മൂന്ന് പേര്‍ക്ക് പരിക്കേറ്റു.

വെള്ളിയിഴ്ച വൈകിട്ട് ആറു മണിയോടെയായിരുന്നു അപകടം. വയനാട് ഭാഗത്തേക്ക് പോകുകയായിരുന്ന സ്വിഫ്റ്റ് കാറും ചുരമിറങ്ങി വരികയായിരുന്ന ലോറിയും തമ്മിലാണ് കൂട്ടിയിടിച്ചത്. കാറിലുണ്ടായിരുന്ന ദില്‍ഷാദ്, സൈബിന്‍, കുക്കു എന്നിവര്‍ക്കാണ് പരുക്കേറ്റത്. ദില്‍ഷാദിനെ കോഴിക്കോട് മെഡിക്കല്‍ കോളേജ് ആശുപത്രിയിലും മറ്റുള്ളവരെ മേപ്പാടിയിലെ സ്വകാര്യ ആശുപത്രിയിലും പ്രവേശിപ്പിച്ചു.