പറവൂരിനെ ഞെട്ടിച്ച് ഒരു കുടുംബത്തിലെ മൂന്ന് പേർ മരിച്ച നിലയിൽ; വീട്ടിലെ രണ്ടു മുറികളിലെ ഫാനില് കെട്ടി തൂങ്ങിയ നിലയിൽ അച്ഛനും അമ്മയും, കട്ടിലിൽ മരിച്ച നിലയിൽ മൂന്നര വയസുകാരൻ... കഴുത്തിൽ കരിവാളിച്ച പാട്:- സാമ്പത്തിക ബാധ്യതകളില്ലെന്ന് ബന്ധുക്കൾ... അടിമുടി ദുരൂഹത
എറണാകുളം ജില്ലയിലെ പറവൂരിൽ ഒരു കുടുംബത്തിലെ മൂന്ന് പേർ മരിച്ച നിലയിൽ. പറവൂര് മില്സ് റോഡില് വട്ടപ്പറമ്ബത്ത് വീട്ടില് സുനില് (38), ഭാര്യ കൃഷ്ണേന്ദു (30) മകന് ആരവ് കൃഷ്ണ (മൂന്നര) എന്നിവരാണ് മരിച്ചത്.
അബുദാബിയിൽ ലിഫ്റ്റ് ടെക്നീഷ്യനായിരുന്ന സുനിലും ഭാര്യയും വീടിനകത്ത് തൂങ്ങിമരിച്ച നിലയിലായിരുന്നു.
കുട്ടിയുടെ മൃതദേഹം കട്ടിലിലുമാണ് കണ്ടെത്തിയത്. വീട്ടിലെ രണ്ടു മുറികളിലെ ഫാനില് കെട്ടി തൂങ്ങിയ നിലയിലാണ് സുനിലിനെയും കൃഷ്ണേന്ദുവിനെയും കണ്ടത്.
ആരവ് കൃഷ്ണ കട്ടിലില് മരിച്ചുകിടക്കുകയായിരുന്നു. കുട്ടിയുടെ കഴുത്തില് കരിവാളിച്ച പാട് ഉണ്ട്. വെള്ളിയാഴ്ച വൈകിട്ട് നാലരയോടെ പറവൂരിലെ വീട്ടിലെത്തിയ സുനിലിന്റെ ബന്ധുവാണ് സംഭവം ആദ്യം കണ്ടത്.
തുടര്ന്ന് ബന്ധുക്കളെ വിവരമറിയിച്ചു. സംഭവമറിഞ്ഞ് പോലീസും നാട്ടുകാരും സ്ഥലത്തെത്തി.
വിരലടയാള വിദഗ്ധരെത്തി പരിശോധന നടത്തി. ഇന്ക്വിസ്റ്റ് നടത്തിയ ശേഷം മൃതദേഹങ്ങള് കളമശേരി മെഡിക്കല് കോളജിലേക്കു മാറ്റി.
സാമ്പത്തികമായും കുടുംബപരമായും ഇവര്ക്കു മറ്റു പ്രശ്നങ്ങള് ഇല്ലെന്നാണു ബന്ധുക്കളും നാട്ടുകാരും പറയുന്നത്. പോസ്റ്റുമോര്ട്ടം ഇന്ന് നടത്തും.
https://www.facebook.com/Malayalivartha