കെഎസ്ആർടിസി സ്മാർട്ട് കാർഡിന്റെ റീ ചാർജ് പരിധി ഉയർത്തി. മൂവായിരം രൂപയിൽ നിന്നും 5000 രൂപയായാണ് ഉയർത്തിയത്. യാത്രക്കാർക്ക് ടിക്കറ്റിന് പണം നൽകുന്നതിന് പകരം കാർഡ് ഉപയോഗിക്കാവുന്നതാണ്.

എടിഎം കാർഡുകൾ സ്വൈപ്പ് ചെയ്യുന്നതിന് സമാനമായ സംവിധാനമാണ് സ്മാർട്ട് കാർഡിലും ഉപയോഗിക്കുന്നത്. 1000 രൂപ മുതൽ 1999 രൂപ വരെയുള്ള റീ ചാർജിന് 40 രൂപ അധികം ലഭിക്കും.

2000 രൂപ മുതൽ 100 രൂപയും 3000 രൂപ മുതൽ 150 രൂപയും 4000 രൂപ മുതൽ 200 രൂപയും കൂടുതലായി ലഭിക്കും. കാർഡിലെ തുകയ്ക്ക് ഒരു വർഷമാണ് കാലാവധി ലഭ്യമാകുക.