കരിപ്പൂര്‍ വിമാന ദുരന്തത്തിനിടയാക്കിയത് പൈലറ്റിന്റെ വീഴ്ചയാണെന്ന് അന്വേഷണ റിപ്പോര്‍ട്ട്.അന്വേഷണ റിപ്പോര്‍ട്ടില്‍ പറയുന്നത് റണ്‍വേയുടെ പകുതിയും കഴിഞ്ഞാണ് വിമാനം താഴെയിറക്കിയതെന്നാണ്. അമിത വേഗത്തില്‍ മുന്നറിയിപ്പുകള്‍ നല്‍കിയിട്ടും മുന്നോട്ട് പോയെന്നും റിപ്പോര്‍ട്ടില്‍ പറയുന്നു.

വിമാനം റണ്‍വേയില്‍ നിന്ന് വിട്ട് വശങ്ങളിലേക്ക് തെന്നിമാറിയെന്നും ഇന്ധന ടാങ്കില്‍ ചോര്‍ച്ചയുണ്ടായിയെന്നും റിപ്പോര്‍ട്ടില്‍ പറയുന്നു. വിമാന അപകടത്തില്‍ 21 പേര്‍ മരിക്കുകയും 96 പേര്‍ക്ക് പരിക്കേല്‍ക്കുകയും ചെയ്തു. നിസാര പരിക്കുകളോടെ 73 പേര്‍ രക്ഷപ്പെടുകയും ചെയ്തു. ടെര്‍മിനലില്‍ നിന്ന് മൂന്ന് കിലോമീറ്റര്‍ മാറി അപകടത്തില്‍പ്പെട്ടത് എയര്‍ ഇന്ത്യ എക്‌സ്പ്രസ് വിമാനമാണ്. റണ്‍വേയുടെ കിഴക്കുഭാഗത്ത് നിന്ന് താഴേക്ക് വിമാനം പതിക്കുകയായിരുന്നു. വിമാനത്തിലുണ്ടായിരുന്നത് 190 പേരാണ്.