അച്ചന് ആള് മാറിപ്പോയി... നര്ക്കോട്ടിക് ജിഹാദ് കേരളമാകെ ചര്ച്ച ചെയ്യുന്നതിനിടെ ആളെക്കൂട്ടാന് നോക്കിയ അച്ചന് മുട്ടന് പണി; കുര്ബാനയ്ക്കിടെ വൈദികന്റെ മുസ്ലിംവിരുദ്ധ പരാമര്ശത്തില് പ്രതിഷേധിച്ച് കന്യാസ്ത്രീകള് ഇറങ്ങിപ്പോയി; കുറവിലങ്ങാട് മഠത്തിലെ കന്യാസ്ത്രീകള് രംഗത്ത്
നര്ക്കോട്ടിക് ജിഹാദ് പരാമര്ശം കേരളമാകെ രാഷ്ട്രീയമായും അല്ലാതെയും ചര്ച്ച ചെയ്യുകയാണ്. അതിനിടെ പള്ളിക്കുള്ളില് നിന്നു തന്നെ തിരിച്ചടി. കുര്ബാനയ്ക്കിടെ വൈദിന്റെ മുസ്ലിംവിരുദ്ധ പരാമര്ശത്തില് പ്രതിഷേധിച്ച് കന്യാസ്ത്രീകള് ഇറങ്ങിപ്പോയി. കുറവിലങ്ങാട് മഠത്തില് നടന്ന കുര്ബാനയ്ക്കിടെയാണ് സംഭവം.
ബിഷപ്പ് ഫ്രാങ്കോ മുളയ്ക്കലിനെതിരേ സമരം നടത്തിയ കുറവിലങ്ങാട് മഠത്തിലെ കന്യാസ്ത്രീകളായ അനുപമ, ആല്ഫി, നീനാ റോസ്, ജോസഫിന് എന്നിവരാണ് വൈദികനെതിരേ ആരോപണം ഉന്നയിച്ച് മാദ്ധ്യമങ്ങളെ കണ്ടത്. മഠത്തിലെ ചാപ്പലില് ഞായറാഴ്ച നടന്ന കുര്ബാനയില് വൈദികന് മുസ്ലിം വിരുദ്ധ പ്രസംഗം ആരംഭിച്ചപ്പോഴാണ് തങ്ങള് അത് തടഞ്ഞ ശേഷം പ്രതിഷേധിച്ച് ഇറങ്ങിപ്പോയതെന്ന് കന്യാസ്ത്രീകള് പറയുന്നു.
മുന്പും മുസ്ലിം സമുദായത്തില്പ്പെട്ടവരെ അവഹേളിച്ചുകൊണ്ട് ഇതേ വൈദികന് പ്രസംഗിക്കുക പതിവായിരുന്നു. ഇന്ന് കുര്ബാനയ്ക്കിടയില് ഇത്തരം പരാമര്ശങ്ങള് ഉണ്ടായപ്പോള് തങ്ങള് ഉള്പ്പെടെ കന്യാസ്ത്രീകള് പ്രതികരിക്കുകയായിരുന്നുവെന്നും അവര് വ്യക്തമാക്കി. വര്ഗീയമായ പരാമര്ശങ്ങള് ആരംഭിച്ചപ്പോള് തന്നെ ഇത്തരം പ്രസംഗം പള്ളിയില് നടത്താന് പറ്റില്ലെന്ന് പറഞ്ഞു. പ്രതിഷേധത്തിന്റെ ഭാഗമായി ചാപ്പലില് നിന്ന് കുര്ബാന കൂടാതെ ഇറങ്ങിപ്പോയെന്നും സിസ്റ്റര് അനുപമ പറഞ്ഞു.
അന്തേവാസികളായ നാലുപേരും 12 കന്യാസ്ത്രീകളും മാത്രമാണ് കുര്ബാനയില് പങ്കെടുത്തിരുന്നത്. പുറത്തുനിന്ന് വിശ്വാസികളാരും ഉണ്ടായിരുന്നില്ല. ഇംഗ്ലീഷിലായിരുന്നു വൈദികന് സംസാരിച്ചത്. ക്രിസ്തു പഠിപ്പിച്ചിരിക്കുന്നത് വര്ഗീയത വിതയ്ക്കാനല്ല. അയല്ക്കാരെയും മറ്റുള്ളവരെയും സ്നേഹിക്കാനാണ്. ആ മാര്ഗത്തിന് വിരുദ്ധമായി പോകുന്നത് കണ്ടപ്പോള് പ്രതികരിക്കാതിരിക്കാന് സാധിച്ചില്ലെന്നും കന്യാസ്ത്രീകള് പറഞ്ഞു.
ബിഷപ്പ് നടത്തിയ പ്രസംഗത്തെ തുടര്ന്നും ഈ വൈദികന് ലൗ ജിഹാദ് സംബന്ധിച്ച് ചില പ്രസ്താവനകള് നടത്തിയിരുന്നെന്ന് കന്യാസ്ത്രീകള് പറഞ്ഞു. ബിഷപ്പ് നടത്തിയ പ്രസ്താവനകളെ തങ്ങള് പിന്തുണയ്ക്കുന്നില്ലെന്നും അവര് പ്രതികരിച്ചു.
അതേസമയം നാര്ക്കോട്ടിക് ജിഹാദ് വിവാദത്തില് പാലാ ബിഷപ്പ് ജോസഫ് കല്ലറങ്ങാട്ടില്ലിന് പിന്തുണയുമായി കേരള കോണ്ഗ്രസ് എം നേതാവ് ജോസ് കെ മാണി രംഗത്തെത്തിയിരുന്നു. ബിഷപ്പിന്റെ വാക്കുകള് ചിലര് വളച്ചൊടിച്ചു എന്നാണ് ജോസ് കെ മാണി പ്രസ്താവനയില് പറഞ്ഞത്.
മയക്കുമരുന്ന് എന്ന സാമൂഹ്യവിപത്ത് ചൂണ്ടിക്കാട്ടുകയും അതിനെതിരെ ജാഗ്രതാ നിര്ദേശം നല്കുകയുമാണ് പാലാ ബിഷപ്പ് മാര് ജോസഫ് കല്ലറങ്ങാട്ട് പിതാവ് ചെയ്തതെന്ന് ജോസ് കെ.മാണി പറഞ്ഞു. സാമൂഹ്യതിന്മകള്ക്ക് എതിരെ വിശ്വാസികളെയും പൊതുസമൂഹത്തെയും ബോധവല്ക്കരിക്കാനുള്ള ഉത്തരവാദിത്വം എക്കാലവും സഭാനേതൃത്വം നിര്വഹിച്ചിട്ടുണ്ട്.
സ്ത്രീധനം, ജാതിവിവേചനം തുടങ്ങിയ ദുരാചാരങ്ങള്ക്ക് എതിരായി രൂപപ്പെട്ട ചെറുത്തുനില്പ്പ് ലഹരിമാഫിയകള്ക്ക് എതിരെയും രൂപപ്പെടണം. അതിന് സഹായകരമായ ആഹ്വാനത്തിന്റെ പേരില് അദ്ദേഹത്തെ ആക്ഷേപിക്കുന്നവര് കേരളത്തിന്റെ മതസാഹോദര്യവും സമാധാന അന്തരീക്ഷവുമാണ് തകര്ക്കാന് ശ്രമിക്കുന്നത്. അത് എതിര്ക്കപ്പെടേണ്ടതുണ്ട്. പിതാവിന്റെ വാക്കുകള് വളച്ചൊടിച്ച് ഉപയോഗിക്കുന്നത് സമൂഹത്തിന്റെ പൊതുവായ താല്പര്യങ്ങള്ക്ക് വിപരീതമാണ്. മയക്കുമരുന്ന് കേരളീയ സമൂഹത്തിന്റെ ഏറ്റവും വലിയ ഭീഷണി എന്നതില് തര്ക്കമില്ല. കേരളം അഭിമാനകരമായ മതമൈത്രി പുലര്ത്തുന്ന നാടാണ്. വ്യത്യസ്ത മതവിഭാഗങ്ങള്ക്ക് ഇടയിലുള്ള സാഹോദര്യം നിലനിര്ത്താന് നാമെല്ലാവരും കൂട്ടായി ശ്രമിക്കുകയാണ് വേണ്ടതെന്നും ജോസ് കെ.മാണി പറഞ്ഞു.
" f
https://www.facebook.com/Malayalivartha
