വന്‍ ദുരന്തം ഒഴിവായി..... പാലക്കാട് ദേശീയപാതയില്‍ പ്ലൈവുഡുകളുമായി പോവുകയായിരുന്ന ലോറിയുടെ ഇന്ധന ടാങ്ക് പൊട്ടി പ്ലൈവുഡിനൊപ്പം ലോറിയും കത്തി, ഒടുവില്‍.....
വന്‍ ദുരന്തം ഒഴിവായി..... പാലക്കാട് ദേശീയപാതയില്‍ പ്ലൈവുഡുകളുമായി പോവുകയായിരുന്ന ലോറിയുടെ ഇന്ധന ടാങ്ക് പൊട്ടി പ്ലൈവുഡിനൊപ്പം ലോറിയും കത്തി.
പാലക്കാട് ദേശീയപാതയിലാണ് ഡീസല്‍ ടാങ്ക് പൊട്ടിയതിനെ തുടര്‍ന്ന് ലോറിക്കു തീ പിടിച്ചത്.. മണ്ണുത്തി ആലത്തൂര്‍ സ്വാതി ജങ്ഷനിലാണ് ടാങ്ക് പൊട്ടി ലോറിക്കു തീ പിടിച്ചത്.
അഗ്‌നിരക്ഷാസേനയുടെ രണ്ട് യൂണിറ്റുകള്‍ തീ അണച്ചു.ഇന്നലെ വൈകുന്നേരമാണു തീ പിടിത്തമുണ്ടായത്. പെരുമ്പാവൂരില്‍ നിന്ന് ബംഗളൂരുവിലേക്ക് പ്ലൈവുഡുകളുമായി പോവുകയായിരുന്ന ലോറി സ്വാതി ജങ്ഷനില്‍ സിഗ്‌നലിനെ തുടര്‍ന്ന് നിര്‍ത്തിയിട്ടതിനു പിന്നാലെ വലിയ ശബ്ദത്തോടെ ഇന്ധന ടാങ്ക് പൊട്ടി തീ പിടിക്കുകയായിരുന്നു. ഡ്രൈവറും ക്ലീനറും ഒാടി രക്ഷപ്പെട്ടു.
ഡീസല്‍ റോഡില്‍ വ്യാപിച്ചു മറ്റു വാഹനങ്ങള്‍ക്കടുത്തെത്തുമ്പോഴേക്കും ലോറിക്കു സമീപമുണ്ടായിരുന്ന വാഹനങ്ങള്‍ അതിവേഗം സര്‍വീസ് റോഡുകളിലേക്കു മാറ്റി. റോഡരികിലെ മരത്തിനും തീ പിടിച്ചു. പ്ലൈവുഡിനൊപ്പം ലോറിയും കത്തുകയായിരുന്നു.
പൊലീസിന്റെയും നാട്ടുകാരുടെയും സംയുക്ത ഇടപെടലിനെ തുടര്‍ന്ന് തീ പടരുന്നത് തടഞ്ഞതിനാല്‍ വന്‍ അപകടം ഒഴിവാക്കാനായി.
https://www.facebook.com/Malayalivartha
