കോളേജ് വിദ്യാര്ത്ഥിനിയെ കഴുത്തറുത്ത് കൊന്ന സംഭവം; പ്രതി അഭിഷേകിന്റെ അറസ്റ്റ് രേഖപ്പെടുത്തി; നാളെ തെളിവെടുപ്പ് നടത്തും
പാലാ സെന്റ് തോമസ് കോളേജ് വിദ്യാര്ത്ഥിനി നിതിന മോളെ കഴുത്തറുത്ത് കൊന്ന പ്രതി അഭിഷേകിന്റെ അറസ്റ്റ് രേഖപ്പെടുത്തി. നാളെ തെളിവെടുപ്പ് നടത്തും. പിന്നീട് കോടതിയില് ഹാജരാക്കും. രാവിലെ പതിനൊന്നരയോടെയാണ് പാലാ സെന്റ് തോമസ് കോളജില് നാടിനെ നടുക്കിയ കൊലപാതകം നടന്നത്.
അവസാനവര്ഷ ഫുഡ് ടെക്നോളജി പരീക്ഷ എഴുതാന് എത്തിയതായിരുന്നു നിതിന മോളും അഭിഷേക് ബൈജുവും. പതിനൊന്ന് മണിയോടെ പരീക്ഷ ഹാളില് നിന്ന് അഭിഷേക് ഇറങ്ങി. നിതിനയെ കാത്ത് വഴിയരികില് നിന്ന അഭിഷേക് വഴക്കുണ്ടാക്കി ആക്രമിക്കുകയായിരുന്നു.
എന്നാല് കൊലപ്പെടുത്താന് ഉദ്ദേശിച്ചിരുന്നില്ലെന്നാണ് പ്രതി പൊലീസിന് നല്കിയ മൊഴി. കത്തി കൊണ്ടുവന്നത് തന്റെ കൈ ഞരമ്ബ് മുറിച്ച് നിതിനയെ പേടിപ്പിക്കാനാണ്. എന്നാല് വഴക്കിനിടെ പെട്ടെന്നുണ്ടായ പ്രകോപനത്തില് കൊലപ്പെടുത്തി.
രണ്ട് വര്ഷമായി നിതിനയുമായി പ്രണയത്തിലായിരുന്നു. എന്നാല് നിതിന അകന്നത് വൈരാഗ്യത്തിന് കാരണമായെന്നും അഭിഷേക് മൊഴി നല്കി. കോതമംഗലത്ത് മാനസയുടെ കൊലപാതകത്തിന്റെ ഓര്മ്മ വിടും മുമ്ബാണ് പ്രണയപ്പകയില് മറ്റൊരു കൊലപാതക വാര്ത്ത നാടിനെ നടുക്കുന്നത്.
https://www.facebook.com/Malayalivartha
