കുടുംബ വഴക്കിനെത്തുടര്‍ന്നു ഭര്‍ത്താവ് ഭാര്യയെ വെട്ടിക്കൊന്നു. മുളക്കുളം നോര്‍ത്ത് കോച്ചേരിത്താഴം കുന്നുംപുറത്ത് വീട്ടില്‍ ബാബു(60)വിന്റെ ഭാര്യ ശാന്ത (55) ആണ് ദാരുണമായി കൊലചെയ്യപ്പെട്ടത്.


ബാബുവിനെ പോലീസ് അറസ്റ്റ് ചെയ്തിട്ടുണ്ട്. അര്‍ധരാത്രി 12-ഓടെ വീടിനുള്ളില്‍വച്ചാണ് കഴുത്തില്‍ ശാന്തയ്ക്ക് വെട്ടേറ്റത്. മൂന്ന് തവണ വെട്ടേറ്റിട്ടുണ്ട്. സംഭവസമയം വീട്ടില്‍ മറ്റാരുമുണ്ടായിരുന്നില്ല.

കൊലപാതകത്തിനു ശേഷം ബാബു പോലീസ് സ്റ്റേഷനിലേക്ക് വിളിച്ച് വിവരമറിയിക്കുകയായിരുന്നു.സ്റ്റേഷനിലെ ഫോണ്‍ നമ്പര്‍ അറിയില്ലാത്തതിനാല്‍ അയല്‍വാസിയെ വിളിച്ചെഴുന്നേല്‍പ്പിച്ച്, നമ്പര്‍ ചോദിക്കുകയായിരുന്നു.


ഈ വീട്ടില്‍ നിന്നും ഫോണ്‍ വിളിച്ച് പോലീസിനെ അറിയിച്ചപ്പോഴാണ്, അയല്‍വാസികള്‍ കൊലപാതക വിവരമറിയുന്നത്. ഉടന്‍ തന്നെ പോലീസെത്തി പ്രതിയെ അറസ്റ്റ് ചെയ്തു.സംഭവസമയത്ത് പ്രതി മദ്യപിച്ചിരുന്നതായി പറയുന്നു.