ആകാംക്ഷയോടെ കേരളം..... കൊല്ലം ഉത്രാ വധക്കേസില് വിധി നാളെ .... ഉത്രയെ കടിച്ച പാമ്പിനെ പുറത്തെടുത്ത് പോസ്റ്റുമോര്ട്ടം നടത്തിയും മൂര്ഖന് പാമ്പിനെ ഉപയോഗിച്ചുള്ള ഡമ്മി പരിശോധന നടത്തിയും പഴുതടച്ച അന്വേഷണമാണ് കേസില് നടന്നത്
ആകാംക്ഷയോടെ കേരളം..... കൊല്ലം ഉത്രാ വധക്കേസില് നാളെ വിധി. ഉത്ര മരിച്ച് ഒരു വര്ഷവും, 5 മാസവും 4 ദിവസവും തികയുമ്പോാഴാണ് കൊല്ലം ജില്ലാ അഡീഷണല് സെഷന്സ് കോടതിയുടെ വിധി.
ഉത്രയെ ഭര്ത്താവ് സൂരജ് മൂര്ഖന് പാമ്പിനെ കൊണ്ട് കൊത്തിച്ച് കൊലപ്പെടുത്തിയെന്നാണ് കേസ്. കഴിഞ്ഞ വര്ഷം മെയ് ഏഴിനാണ് അഞ്ചല് ഏറത്തെ വീട്ടില് ഉത്രയെ പാമ്പുകടിയേറ്റു മരിച്ച നിലയില് കണ്ടത്.
റെക്കോര്ഡ് വേഗത്തിലാണ് കേസിന്റെ കുറ്റപത്രം സമര്പ്പിച്ചതും വിചാരണ പൂര്ത്തിയാക്കിയതും. ഉത്രയെ കടിച്ച പാമ്പിനെ പുറത്തെടുത്ത് പോസ്റ്റുമോര്ട്ടം നടത്തിയും മൂര്ഖന് പാമ്പിനെ ഉപയോഗിച്ചുള്ള ഡമ്മി പരിശോധന നടത്തിയും പഴുതടച്ച അന്വേഷണമാണ് കേസില് നടന്നത്.കൊല്ലം ആറാം അഡീഷണല് സെഷന്സ് കോടതി ജഡ്ജി എം. മനോജാണ് കേസില് വിധി പറയുക.
വിചാരണക്കിടയില് പ്രോസിക്യൂഷന് ഭാഗത്തുനിന്ന് 87 സാക്ഷികളെയും 289 രേഖകളും 40 തൊണ്ടിമുതലുകളും ഹാജരാക്കിയിരുന്നു. പ്രതിക്ക് പരമാവധി ശിക്ഷ ലഭിക്കും എന്നാണ് പ്രതീക്ഷയെന്ന് ഉത്രയുടെ കുടുംബം .
മൂന്ന് തവണയാണ് സൂരജ് ഉത്രയെ പാമ്പിനെ കൊണ്ട് കടിപ്പിച്ചു കൊലപ്പെടുത്താന് ശ്രമിച്ചത്. ഇതില് രണ്ട് തവണ ഉത്രക്ക് പാമ്പിന്റെ കടിയേറ്റു.പാമ്പു പിടുത്തക്കാരനായ കല്ലുവാതുക്കല് ചാവരുകാവ് സ്വദേശി സുരേഷില് നിന്നാണ് സൂരജ് മൂര്ഖന് പാമ്പിനെ വാങ്ങിയത്. എന്നാല് സാക്ഷികള് ഇല്ലാത്ത കേസില് സുരേഷ് മാപ്പു സാക്ഷിയായി.
https://www.facebook.com/Malayalivartha
