പി. ജയരാജന് വധശ്രമക്കേസിലെ പ്രതികളെ കോടതി വെറുതെ വിട്ടു; പി. ജയരാജന്, ടി.വി. രാജേഷ് എം.എല്.എ എന്നിവരടങ്ങുന്ന സി.പി.എം നേതാക്കള് സഞ്ചരിച്ച കാര് തടഞ്ഞുനിര്ത്തി വധിക്കാന് ശ്രമിച്ചുവെന്നാണ് കേസ്
സി.പി.എം കണ്ണൂര് ജില്ല സെക്രട്ടറി പി. ജയരാജനെ വധിക്കാന് ശ്രമിച്ച കേസിലെ പ്രതികളെ കണ്ണൂര് അഡിഷണല് സെഷന്സ് കോടതി വെറുതെ വിട്ടു. പന്ത്രണ്ട് മുസ്ലീം ലീഗ് പ്രവര്ത്തകരെയാണ് കോടതി വെറുതെ വിട്ടത്. ലീഗ് പ്രവര്ത്തകരായ അന്സാര്, ഹനീഫ, സുഹൈല്, അഷ്റഫ്, അനസ്, റൗഫ്, സക്കറിയ്യ, ഷമ്മാദ്, യഹിയ, സജീര്, നൗഷാദ് തുടങ്ങിയവരെയാണ് കേസില് കോടതി വിറുതെ വിട്ടത്.
തളിപറമ്ബ് അരിയില് വെച്ച് 2012 ഫെബ്രുവരി 20 നായിരുന്നു കേസിന് ആസ്പദമായ സംഭവം. പി. ജയരാജന്, ടി.വി. രാജേഷ് എം.എല്.എ എന്നിവരടങ്ങുന്ന സി.പി.എം നേതാക്കള് സഞ്ചരിച്ച കാര് തടഞ്ഞുനിര്ത്തി വധിക്കാന് ശ്രമിച്ചുവെന്നാണ് കേസ്.
കേസില് ആകെ 14 പ്രതികളാണുള്ളത്. പ്രായ പൂര്ത്തിയാകാത്ത ഒരാള് ഉള്പ്പെടെ രണ്ട് പേരുടെ വിചാരണ പയ്യന്നൂര് സബ് കോടതിയിലാണ്. ഇതിന്റെ വിചാരണ പൂര്ത്തിയായിട്ടില്ല. യൂത്ത് ലീഗ് പ്രവര്ത്തകനായ അരിയില് ഷുക്കൂര് വധത്തിലേക്ക് നയിച്ച കേസായാണ് ഈ അക്രമത്തെ അറിയപ്പെടുന്നത്. നേതാക്കളെ അക്രമിച്ച വിരോധത്തില് ഷുക്കൂര് അടക്കമുള്ള ആറോളം യൂത്ത് ലീഗ് പ്രവര്ത്തകരെ അരിയിലിലെ വയലില് വെച്ച് സി.പി.എം പ്രവര്ത്തകര് 'പാര്ട്ടി വിചാരണ' നടത്തുകയും ഷുക്കൂറിനെ വധിക്കുകയുമായിരുന്നുവെന്നാണ് കേസ്.
https://www.facebook.com/Malayalivartha
