വാക്സിന് ലഭ്യമാകാത്ത 18 തികയാത്ത വിദ്യാര്ഥികള്ക്ക് ഓണ്ലൈന് ക്ലാസ് പരിഗണിക്കും... കേരളത്തില് ഉന്നത വിദ്യാഭ്യാസ സ്ഥാപനങ്ങള് 18 മുതല് പൂര്ണമായും തുറക്കും... തല്ക്കാലം വിനോദയാത്ര അനുവദിക്കില്ല, കോവിഡ് അവലോകന സമിതിയുടെ നിര്ദേശങ്ങള് പാലിച്ചേ ക്യാമ്പസുകള് പ്രവര്ത്തിക്കാവൂവെന്ന് മന്ത്രി
സംസ്ഥാനത്തെ ഉന്നത വിദ്യാഭ്യാസ സ്ഥാപനങ്ങള് 18 മുതല് പൂര്ണമായും തുറക്കും. ഇതിന് മുന്നോടിയായി ഉന്നത വിദ്യാഭ്യാസ മന്ത്രി ആര് ബിന്ദുവിന്റെ അധ്യക്ഷതയില് പ്രിന്സിപ്പല്മാരുടെ യോഗം ചേര്ന്നു.
വാക്സിന് ലഭ്യമാകാത്ത 18 തികയാത്ത വിദ്യാര്ഥികള്ക്ക് ഓണ്ലൈന് ക്ലാസ് പരിഗണിക്കും. മറ്റുള്ളവര്ക്കുള്ള വാക്സിന് യജ്ഞം കൂടുതല് വേഗത്തിലാക്കും. വിദ്യാര്ഥികള്ക്ക് തല്ക്കാലം വിനോദയാത്ര അനുവദിക്കില്ല. കോവിഡ് അവലോകന സമിതിയുടെ നിര്ദേശങ്ങള് പാലിച്ചേ ക്യാമ്പസുകള് പ്രവര്ത്തിക്കാവൂ എന്ന് മന്ത്രി ആര് ബിന്ദു.
നിലവിലെ സ്ഥിതിവിവരം സമിതിയെ അറിയിക്കും. വിശദ ഉത്തരവ് ഉടന് പ്രസിദ്ധീകരിക്കും. എല്ലാ ക്യാമ്പസിലും ജാഗ്രതാസമിതികള് കൂടിയാലോചന നടത്തണം. വിദ്യാര്ഥികള് ഇടപഴകുന്ന എല്ലാ സ്ഥലവും അണുവിമുക്തമാക്കണം. കോവിഡ് പ്രോട്ടോകോള് സംബന്ധിച്ച വിശദ ക്ലാസോടെ വേണം അധ്യയനത്തുടക്കം.
അതോടൊപ്പം ലിംഗപദവികാര്യത്തിലും വിശദമായ ക്ലാസ് വേണമെന്ന ഉത്തരവ് നടപ്പാക്കുന്നുണ്ടെന്ന് ഉറപ്പാക്കണം. ഇക്കാര്യത്തില് അധ്യാപകര്ക്ക് ക്ലാസുകള് ഉടനുണ്ടാകും. ക്യാമ്പസുകളില് കൗണ്സലിങ് കേന്ദ്രങ്ങള് സജ്ജമാക്കണം. ഇവ സംബന്ധിച്ച് വിശദമായ സര്ക്കുലര് ഇറക്കും.
https://www.facebook.com/Malayalivartha
