പാലാ ജനറല് ആശുപത്രിയില് ചികിത്സ ആവശ്യപ്പെട്ട് കാഷ്വാലിറ്റിയില് എത്തിയ മദ്യപാനി അക്രമാസക്തനായി! വാതിലുകള് ചവിട്ടിപൊളിക്കുവാൻ ശ്രമം! പ്രതി കസ്റ്റഡിയിലായതോടെ പുറത്ത് വരുന്നത്...
പാലാ ജനറല് ആശുപത്രിയില് ചികിത്സ ആവശ്യപ്പെട്ട് കാഷ്വാലിറ്റിയില് എത്തിയ മദ്യപാനി അക്രമാസക്തനായി. പുലര്ച്ചെ ഒരു മണിക്ക് ശേഷം എത്തിയ നാഗര് കോവില് സ്വദേശി ആയ രാജഗോപാല് ആണ് അമിതമായി മദ്യപിച്ച് ആശുപത്രിയിൽ എത്തിയത്. രാത്രി കാലങ്ങളില് ചികിത്സ ആവശ്യപ്പെട്ട് സാമൂഹിക വിരുദ്ധരും മദ്യപാനികളും ആശുപത്രിയില് എത്തി പ്രശ്നം സൃഷ്ടിക്കുന്നതായി ആരോഗ്യ പ്രവര്ത്തകര് അറിയിച്ചതിന് പിന്നാലെയായിരുന്നു സംഭവം.
അക്രമി ഡോക്ടര്, നേഴ്സ് മറ്റു ആരോഗ്യ പ്രവര്ത്തകര് എന്നിവരെയും കാഷ്യാലിറ്റിയില് എത്തിയവരെയും ഭീഷണിപ്പെടുത്തുകയും കയ്യേറ്റം ചെയ്യാന് ശ്രമിക്കുകയും ചെയ്തത്. വാതിലുകള് ചവിട്ടിപൊളിക്കുവാനും ശ്രമം നടത്തി. ഡ്യൂട്ടിയില് ഉണ്ടായിരുന്ന സെക്യൂരിറ്റി ജീവനക്കാരന് കയ്യേറ്റം തടയാന് ശ്രമിച്ചപ്പോള് മദ്യപാനി സെക്യൂരിറ്റി സ്റ്റാഫിന്റെ ഡ്യൂട്ടി തടസ്സപ്പെടുത്തുകയും മര്ദിക്കുകയും ചെയ്തു.
റിപ്പോര്ട്ട് ചെയ്തതനുസരിച്ച് പാലാ സ്റ്റേഷനില് നിന്നും ഉടന് പോലീസ് എത്തി മദ്യപാനിയെ പിടികൂടി കൊണ്ട് പോകുകയും ചെയ്തു. നിലവില് ഇയാള് പോലീസ് കസ്റ്റഡിയില് ആണ്.
https://www.facebook.com/Malayalivartha
