ദസറ ആഘോഷം കഴിഞ്ഞ് മടങ്ങുകയായിരുന്ന യുവാക്കള്‍ക്ക് ബൈക്ക് അപകടത്തില്‍ ദാരുണാന്ത്യം. ദേശീയപാത 66 ല്‍ കെസി റോഡിന് സമീപം വെള്ളിയാഴ്ച രാത്രിയാണ് അപകടം നടന്നത്.

കാസര്‍കോട് കുമ്പള സ്വദേശികളായ കൃഷ്ണപ്രസാദ് (26), പ്രജിത്ത് (24) എന്നിവരാണ് മരിച്ചത്. ഇവര്‍ സഞ്ചരിച്ച ബൈക്ക് തെന്നിവീണതാണ് അപകടത്തിന് കാരണമെന്നാണ് പ്രാഥമിക നിഗമനം.

അപകട സമയത്ത് ഇരുവരും ഹെല്‍മെറ്റ് ധരിക്കാത്തതിനാല്‍ തലയ്ക്ക് ഗുരുതരമായി പരിക്കേല്‍ക്കുകയും സംഭവസ്ഥലത്ത് വെച്ച് തന്നെ മരണം സംഭവിച്ചു.