സംസ്ഥാനത്തെ മഴക്കെടുതി... മുഖ്യമന്ത്രി പിണറായി വിജയനുമായി ഫോണില് സ്ഥിതിഗതികള് ചര്ച്ച ചെയ്ത് പ്രധാനമന്ത്രി നരേന്ദ്ര മോഡി
സംസ്ഥാനത്തെ മഴക്കെടുതിയുടെയും ഉരുള്പൊട്ടലിന്റെയും പശ്ചാത്തലത്തില് മുഖ്യമന്ത്രി പിണറായി വിജയനുമായി ഫോണില് സ്ഥിതിഗതികള് ചര്ച്ച ചെയ്ത് പ്രധാനമന്ത്രി നരേന്ദ്ര മോഡി. പരിക്കേറ്റവരെയും ദുരന്ത ബാധിതവരെയും സഹായിക്കാന് അധികാരികള് പ്രവര്ത്തിക്കുന്നുണ്ടെന്ന് പറഞ്ഞ പ്രധാനമന്ത്രി എല്ലാവരുടെയും സുരക്ഷയ്ക്കും ക്ഷേമത്തിനും വേണ്ടി പ്രാര്ത്ഥിച്ചു. കേരളത്തില് കനത്ത മഴയും ഉരുള്പൊട്ടലും മൂലം ചിലര്ക്ക് ജീവന് നഷ്ടപ്പെട്ടത് ദുഃഖകരമാണ്. ദുരിതമനുഭവിക്കുന്ന കുടുംബങ്ങള്ക്ക് അനുശോചനം അറിയിക്കുന്നതായി അദ്ദേഹം ട്വീറ്റ് ചെയ്തു.
അതേസമയം പ്രധാനമന്ത്രി ടെലിഫോണില് വിളിച്ച് സംസ്ഥാനത്തെ മഴക്കെടുതികള് സംബന്ധിച്ച വിവരങ്ങള് ആരാഞ്ഞതായി മുഖ്യമന്ത്രി ഫേസ്ബുക്കിലൂടെ വ്യക്തമാക്കി. അതിതീവ്രമഴയും ഉരുള്പൊട്ടലും അതിന്റെ ഫലമായി ഉണ്ടായ ആള്നാശവും സംസ്ഥാനത്തിന് കനത്ത ആഘാതം ഏല്പ്പിച്ചിരിക്കുകയാണ്. ഈ സാഹചര്യത്തില് ആവശ്യമായ സഹായങ്ങള് കേന്ദ്രം നല്കാമെന്ന് പ്രധാനമന്ത്രി വാഗ്ദാനം ചെയ്തതായും മുഖ്യമന്ത്രി ഫേസ്ബുക്കില് കുറിച്ചു.
https://www.facebook.com/Malayalivartha