കത്തോലിക്കാ സഭയുടെ പരമാധ്യക്ഷനും വത്തിക്കാന് രാഷ്ട്രത്തലവനുമായ ഫ്രാന്സിസ് മാര്പാപ്പയും ഇന്ത്യന് പ്രധാനമന്ത്രി നരേന്ദ്ര മോദിയും കൂടിക്കാഴ്ച ആരംഭിച്ചു.... കോവിഡ് 19 അടക്കം ആഗോള വിഷയങ്ങള് മാര് പാപ്പയുമായി പ്രധാനമന്ത്രി ചര്ച്ച ചെയ്യും
കത്തോലിക്കാ സഭയുടെ പരമാധ്യക്ഷനും വത്തിക്കാന് രാഷ്ട്രത്തലവനുമായ ഫ്രാന്സിസ് മാര്പാപ്പയും ഇന്ത്യന് പ്രധാനമന്ത്രി നരേന്ദ്ര മോദിയും കൂടിക്കാഴ്ച ആരംഭിച്ചു.
കോവിഡ് 19 അടക്കം ആഗോള വിഷയങ്ങള് മാര് പാപ്പയുമായി പ്രധാനമന്ത്രി ചര്ച്ച ചെയ്യും. അപ്പോസ്തലിക് പാലസില് വെച്ചാണ് മോദി പോപ്പിനെ കാണുന്നത്. അര മണിക്കൂറാണ് കൂടിക്കാഴ്ച. ഇന്ത്യ സന്ദര്ശിക്കാന് പോപ്പിനെ പ്രധാനമന്ത്രി ക്ഷണിച്ചേക്കുമെന്നാണ് കരുതുന്നത്.
മാര്പാപ്പയുമായി പ്രത്യേക കൂടിക്കാഴ്ചയാണ് പ്രധാനമന്ത്രി നടത്തുകയെന്നും തുടര്ന്ന് പ്രതിനിധി തല ചര്ച്ചകള് നടത്തുമെന്നും വിദേശകാര്യ സെക്രട്ടറി ഹര്ഷവര്ധന് ശ്രിംഗ്ല കഴിഞ്ഞ ദിവസം പറഞ്ഞിരുന്നു. ചര്ച്ചയ്ക്ക് വത്തിക്കാന് പ്രത്യേകിച്ച് അജണ്ടകളൊന്നും നിശ്ചയിച്ചിട്ടില്ല. മാര്പാപ്പയുമായുള്ള ചര്ച്ചകളില് അജണ്ട നിശ്ചയിക്കുന്ന പതിവില്ലെന്നാണ് കരുതുന്നത്.
വത്തിക്കാനില് മാര്പാപ്പയെ സന്ദര്ശിക്കുന്ന അഞ്ചാമത്തെ ഇന്ത്യന് പ്രധാനമന്ത്രിയാണ് നരേന്ദ്ര മോദി. നെഹ്റു, ഇന്ദിരാഗാന്ധി, ഐ.കെ. ഗുജ്റാള്, എ.ബി. വാജ്പേയി എന്നിവരാണ് മുമ്പ് മാര്പ്പാപ്പയെ സന്ദര്ശിച്ച ഇന്ത്യന് പ്രധാനമന്ത്രിമാര്.
1999ല് ജോണ് പോള് രണ്ടാമന് മാര്പാപ്പയാണ് ഒടുവില് ഇന്ത്യ സന്ദര്ശിച്ചത്.
https://www.facebook.com/Malayalivartha
