കണ്ണീര്ക്കാഴ്ചയോടെ... ഐ.സി.യു.വിന്റെ വാതില് തുറക്കുമ്പോള് അപകടത്തില് പരിക്കേറ്റ മകനെ ഒന്നുകാണാന് അമ്മ അവിടേക്കോടിയെത്തും, വാതിലടയുമ്പോള് കണ്ണീരോടെ തിരികെ ഇരിപ്പിടത്തിലേക്കു മടങ്ങും, ആ കാഴ്ച ആരുടെയും കരളലിയിക്കും
കണ്ണീര്ക്കാഴ്ചയോടെ... ഐ.സി.യു.വിന്റെ വാതില് തുറക്കുമ്പോള് അപകടത്തില് പരിക്കേറ്റ മകനെ ഒന്നുകാണാന്
അമ്മ അവിടേക്കോടിയെത്തും, വാതിലടയുമ്പോള് കണ്ണീരോടെ തിരികെ ഇരിപ്പിടത്തിലേക്കു മടങ്ങും, ആ കാഴ്ച ആരുടെയും കരളലിയിക്കും.
ആലപ്പുഴ മെഡിക്കല് കോളേജ് ആശുപത്രിയിലെ ട്രോമാ ഐ.സി.യു.വിനു മുന്നില് മകന്റെ മടങ്ങിവരവും കാത്തിരിക്കുകയാണ് ആ അമ്മ. ഹരിപ്പാട് വാഴക്കൂട്ടം കടവിനുസമീപത്ത് ശനിയാഴ്ച പുലര്ച്ചേയുണ്ടായ അപകടത്തില് പരിക്കേറ്റ ചെന്നിത്തല ഇരമത്തൂര് കൊല്ലംപറമ്പില് രാഹുല് വിജയ് (25) അപകടനില തരണംചെയ്തിട്ടില്ല.
ചെറിയ പ്രായത്തിലേ അച്ഛനെ നഷ്ടപ്പെട്ട രാഹുലിന് അമ്മ രാജലക്ഷ്മി മാത്രമാണുള്ളത്. മാന്നാറിലെ സ്വകാര്യവിദ്യാലയത്തില് നഴ്സറി അധ്യാപികയായിരുന്നു ഇവര്. തനിച്ചു പുറത്തു പോകാന് തുടങ്ങിയ കാലം മുതല് പഠനത്തിനൊപ്പം എന്തെങ്കിലും തൊഴില് ചെയ്ത് അമ്മയ്ക്കു താങ്ങായിരുന്നു രാഹുല്.
സൈക്കിളില് പത്രവിതരണമടക്കമുള്ള ജോലികള് ചെയ്തു. രണ്ടരവര്ഷം മുന്പാണു കൂറിയര് സര്വീസിന്റെ വിതരണക്കാരനായത്. ഒന്നരമാസം മുന്പാണ് സ്വന്തമായി ടെമ്പോവാന് വാങ്ങിയത്.
ശനിയാഴ്ച പുലര്ച്ചേ കൂറിയര് സാധനങ്ങളെടുക്കാന് ഹരിപ്പാട്ടേക്കു പോകുമ്പോഴായിരുന്നു അപകടംനടന്നത്. മാന്നാര് വഴിയമ്പലത്തെ വാടകവീട്ടിലാണ് രാഹുലും അമ്മയും താമസിക്കുന്നത്. ഡ്രൈവറുടെ കാബിനില് ഒടിഞ്ഞ കാലുമായി രക്തംവാര്ന്നുകിടക്കുകയായിരുന്നു രാഹുല്.
ഒരുമണിക്കൂറോളം വാഹനത്തില് കുടുങ്ങിക്കിടന്ന രാഹുലിനെ മാവേലിക്കരയില്നിന്നെത്തിയ അഗ്നിരക്ഷാസേനയാണു രക്ഷപ്പെടുത്തി ആശുപത്രിയിലെത്തിച്ചത്.
"
https://www.facebook.com/Malayalivartha
