യുഎഇ ഗോൾഡൻ വീസ സ്വന്തമാക്കിയതിന് പിന്നാലെ മറ്റൊരു സന്തോഷ വാർത്ത കൂടെ പങ്കു വച്ച് എം ജി ശ്രീകുമാറും മോഹൻലാലും; ആ ചിത്രങ്ങൾ വൈറൽ; ഇത് അപൂർവങ്ങളിൽ അപൂർവമായ നിമിഷം ;കണ്ണ് നിറഞ്ഞ് ആരാധകർ
യുഎഇ ഗോൾഡൻ വീസ സ്വന്തമാക്കിയ സന്തോഷത്തിലാണ് എം.ജി.ശ്രീകുമാർ. ആ സന്തോഷത്തിനു പിന്നാലെ മറ്റൊരു അപൂർവ്വ നിമിഷത്തിനു സാക്ഷിയായിരിക്കുകയാണ് ആരാധകർ . മോഹൻലാലിന്റെ ദുബായിലെ വീട്ടിൽ അതിഥികളായി എം.ജി.ശ്രീകുമാറും ഭാര്യ ലേഖയുമെത്തി . ഇരുവരും മോഹൻലാലിനും ഭാര്യ സുചിത്രയ്ക്കുമൊപ്പം നിൽക്കുന്നതിന്റെ ചിത്രങ്ങൾ സമൂഹമാധ്യമങ്ങളിൽ വൈറലായിരിക്കുകയാണ് .
എം.ജിശ്രീകുമാറും മോഹൻലാലും തമ്മിൽ കോളജ് കാലം മുതലുള്ള സൗഹൃദമാണ്. പിന്നീട് സിനിമയിൽ ഒന്നിക്കുകയും ചെയ്തു . തിരക്കുകൾ കാരണം പലപ്പോഴും നേരിൽ കാണാൻ സാധിക്കാറില്ല. എന്നാൽ സമൂഹമാധ്യമങ്ങളിലൂടെ തങ്ങൾ വിശേഷങ്ങൾ പങ്കുവയ്ക്കാറുണ്ടെന്നും എം.ജി.ശ്രീകുമാർ പറഞ്ഞു.
ദീർഘ കാലത്തിനു ശേഷം മോഹൻലാലിനെയും എം.ജി.ശ്രീകുമാറിനെയും ഒരേ ഫ്രെയിമിൽ കാണാൻ കഴിഞ്ഞുവെന്നത് പ്രധനമായ കാര്യം തന്നെയാണ് . പ്രൈഡ് ഓഫ് ഇന്ത്യ പുരസ്കാരം ഏറ്റുവാങ്ങുന്നതിനായാണ് എം.ജി ശ്രീകുമാറും ഭാര്യയും ദുബായിയിൽ എത്തിയത്.
ദുബായിലെ താമസ കുടിയേറ്റ വകുപ്പ് ആസ്ഥാനത്ത് നടന്ന ചടങ്ങിൽ വച്ച് വീസ ഏറ്റുവാങ്ങിയിരുന്നു. പിന്നാലെയാണ് മോഹൻലാലിന്റെ വീട്ടിൽ സന്ദർശനം നടത്തിയത്. ദുബായിൽ വച്ചായിരുന്നു ഗായകന്റെ ഇത്തവണത്തെ ദീപാവലി ആഘോഷം.
മലയാള സിനിമയുടെ സൂപ്പർ ഹിറ്റ് ഗായകനാണ് എം ജി ശ്രീകുമാർ. നല്ല ഗാനങ്ങൾ കൊണ്ട് ആസ്വാദകരുടെ മനസ്സിൽ ഇടം പിടിച്ച താരം. പ്രശസ്ത സംഗീത കുടുംബത്തിൽ ജനിച്ച എം ജി ശ്രീകുമാർ മോഹൻലാലിൻറെ ചിത്രങ്ങളിലായിരുന്നു ഏറ്റവും കൂടുതൽ ഗാനങ്ങൾ ആലപിച്ചിട്ടുള്ളത്.
ദുബായ് ആര്ട്സ് ആന്ഡ് കള്ച്ചര് വകുപ്പാണ് എം ജിക്ക് വിസ സമ്മാനിച്ചത്. വ്യത്യസ്ത മേഖലകളില് കഴിവ് തെളിയിച്ചവര്ക്കായി യുഎഇ സര്ക്കാര് നല്കുന്നതാണ് ദീര്ഘകാലത്തേക്കായുള്ള ഗോള്ഡന് വിസ.
നേരത്തെ സിനിമ താരങ്ങളായ മോഹന്ലാല് , മമ്മൂട്ടി, ടൊവിനോ തോമസ് ഉള്പ്പടെയുള്ള താരങ്ങള്ക്ക് ഗോള്ഡന് വിസ സമ്മാനിച്ചിരുന്നു. ദുബായില് വച്ച് നടന്ന ചടങ്ങില് ഇ സി എച്ഛ് സി ഇ ഓ ശ്രി ഇഖ്ബാല് മാര്ക്കോണിയുടെ സാന്നിധ്യത്തിലാണ് എം.ജി ശ്രീകുമാറും ഭാര്യ ലേഖ ശ്രീകുമാറും ഗോള്ഡന് വിസ ഏറ്റുവാങ്ങിയത് . എംജി തന്നെയാണ് ഇക്കാര്യം ഫേസ്ബുക്ക് പോസ്റ്റിലൂടെ അറിയിച്ചത്.
ഇന്ത്യന് ഭാഷകളില് 35000 ല് ഏറെ ഗാനങ്ങള് ആലപിച്ച എം ജിയ്ക്കുള്ള ആദരവായിട്ടാണ് ഗോള്ഡന് വിസ. യു എ ഇ ദേശീയ ദിനത്തോടനുബന്ധിച്ച് സുവര്ണ ജൂബിലി ആഘോഷങ്ങളുടെ ഭാഗമായി അറബി ഭാഷയിലും ഗാനം ആലപിക്കാനിരിക്കുകയുമാണ് താരം . പ്രൈഡ് ഓഫ് ഇന്ത്യ പുരസ്കാരം ഏറ്റുവാങ്ങാന് ദുബായ്യിലല് എത്തിയതാണ് എം ജി ശ്രീകുമാറും ഭാര്യ ലേഖ ശ്രീകുമാറും .
https://www.facebook.com/Malayalivartha
