കൊച്ചിയില്‍ റോഡ് ഉപരോധിച്ചതിന് പ്രതിഷേധവുമായെത്തിയ ജോജു ജോര്‍ജിന് രണ്ട് കൊടുക്കാനാണ് പൊന്‍കുന്നം യൂത്ത് കോണ്‍ഗ്രസുകാര്‍ കാഞ്ഞിരപ്പള്ളിയിലെ കടുവ സിനിമാ സെറ്റില്‍ എത്തിയത്. റോഡ് തടസപ്പെടുത്തി ഷൂട്ടിംഗ് അനുവദിക്കില്ല എന്ന് പറഞ്ഞാണ് പാഞ്ഞെത്തിയത്. എന്നാല്‍ ജോജു ജോര്‍ജ് ആ സെറ്റില്‍ ഇല്ലായിരുന്നു. പൃഥ്വിരാജ് ഉള്‍പ്പെടെയുള്ള വലിയ താരങ്ങളുണ്ട്. എന്തായാലും വേണ്ടില്ല ജോജുവിനെ രണ്ട് പറയണം എന്ന് കണക്കാക്കി തന്നെയാണ് അവരെത്തിയത്.

കടുവ സെറ്റിലേക്ക് നടത്തിയ പ്രതിഷേധത്തിനിടയിലും യൂത്ത് കോണ്‍ഗ്രസ് പ്രവര്‍ത്തകര്‍ മുദ്രാവാക്യം വിളിച്ചത് ജോജു ജോര്‍ജിന് എതിരെയാണ്. ജോജു ജോര്‍ജേ സിനിമക്കാരാ നിന്നെ പിന്നെ കണ്ടോളാം എന്ന് തുടങ്ങി പിന്നീടങ്ങോട്ട് കാഞ്ഞിരപ്പള്ളി സ്റ്റൈലില്‍ പുളിച്ച തെറിയുമായാണ് എത്തിയത്. വീഡിയോയിലും ഇത് വ്യക്തമാണ്.

ജോജു സംഭവം തന്നെയാകാം യൂത്ത് കോണ്‍ഗ്രസ് പ്രവര്‍ത്തകരെ ചൊടിപ്പിച്ചത് എന്ന് എന്ന് എറണാകുളം ഡിസിസി പ്രസിഡന്റ് മുഹമ്മദ് ഷിയാസ് പറയുകയും ചെയ്തു.

കഴിഞ്ഞ ദിവസം എറണാകുളത്ത് നിരായുധരായ ജനങ്ങളെ കൊള്ളയടിക്കുന്ന ഇന്ധന നികുതി വര്‍ധനവിനെതിരെ നടത്തിയ സമരത്തിനിടയിലേക്ക് ജോജു ജോര്‍ജ് എന്ന കലാകാരന്‍ വന്നു കാണിച്ച പ്രകടനമായിരിക്കാം യൂത്ത് കോണ്‍ഗ്രസിനെ ചൊടിപ്പിച്ചത്. പൊതുനിരത്തില്‍ സമരം ചെയ്യാന്‍ കഴിയില്ലെങ്കില്‍ പൊതുനിരത്തില്‍ ഷൂട്ടിങ്ങും നടത്താന്‍ കഴിയില്ലെന്നാണ് യൂത്ത് കോണ്‍ഗ്രസ് നിലപാട്.

എല്ലാ പാര്‍ട്ടികളും നടത്തുന്ന സമരമുറയാണ് വഴിതടയല്‍ എന്നത്. ഇന്ന മ്രഗത്തിലൂടെയാണ് ചെയ്യേണ്ടത് എന്ന് പറയാന്‍ സിനിമാക്കാര്‍ക്ക് സാധിക്കില്ലല്ലോ. ജനങ്ങളെ കുറ്റപ്പെടുത്താന്‍ എങ്ങനെയാണ് ഒരു കലാകാരന് കഴിയുക? ബോധമുള്ള ഒരു കലാകാരന് അത് കഴിയില്ല. അതാണ് ഞങ്ങള്‍ സ്വബോധമില്ലെന്ന് പറഞ്ഞത്.

പൊതുനിരത്തില്‍ സമരം ചെയ്യാന്‍ കഴിയില്ലെങ്കില്‍ പൊതുനിരത്തില്‍ ഷൂട്ടിങ്ങും നടത്താന്‍ കഴിയില്ലെന്നാണ് യൂത്ത് കോണ്‍ഗ്രസ് നിലപാട്. എല്ലാ പാര്‍ട്ടികളും നടത്തുന്ന സമരമുറയാണ് വഴിതടയല്‍ എന്നത്. ഇന്ന മ്രഗത്തിലൂടെയാണ് ചെയ്യേണ്ടത് എന്ന് പറയാന്‍ സിനിമാക്കാര്‍ക്ക് സാധിക്കില്ലല്ലോ. ജനങ്ങളെ കുറ്റപ്പെടുത്താന്‍ എങ്ങനെയാണ് ഒരു കലാകാരന് കഴിയുക? ബോധമുള്ള ഒരു കലാകാരന് അത് കഴിയില്ല. അതാണ് ഞങ്ങള്‍ സ്വബോധമില്ലെന്ന് പറഞ്ഞത്' എന്നാണ് മുഹമ്മദ് ഷിയാസ് പറഞ്ഞത്.

കാഞ്ഞിരപ്പള്ളിയില്‍ വഴി തടഞ്ഞു ചിത്രീകരണം നടത്തിയെന്നാരോപിച്ചായിരുന്നു കടുവയുടെ സെറ്റിലേക്ക് യൂത്ത് കോണ്‍ഗ്രസ് മാര്‍ച്ച് നടത്തിയത്. പൊന്‍കുന്നം യൂത്ത് കോണ്‍ഗ്രസ് പ്രവര്‍ത്തകര്‍ നടത്തിയ മാര്‍ച്ച് പുരോഗമിക്കവേ സിനിമാക്കാര്‍ കണ്ണുകാണിച്ചു. സെറ്റിലുള്ളവര്‍ ഇടപെടുമെന്നാണ് കരുതിയത്. എന്നാല്‍ അത് വലിയ പ്രശ്‌നമായി മാറിയേനെ. അതേ സമയം മറ്റൊരു കൂട്ടരാണ് പൊന്‍കുന്നം യൂത്ത് കോണ്‍ഗ്രസുകാരെ തടഞ്ഞത്. കാഞ്ഞിരപ്പള്ളിയിലെ നല്ല അസല്‍ യൂത്ത് കോണ്‍ഗ്രസുകാര്‍.

ഇത് കണ്ടപ്പോഴേക്കും പൊന്‍കുന്നത്തുകാര്‍ വിരണ്ടു. തണ്ടും തടിയുമുള്ള കാഞ്ഞിരപ്പള്ളി കറിയാച്ചന്‍ മോഡലിലുള്ള യൂത്ത് കോണ്‍ഗ്രസുകാര്‍. വരുത്തന്‍മാരായ പൊന്‍കുന്നത്തുകാരേക്കാള്‍ ശക്തി കാഞ്ഞിരപ്പള്ളി വിഭാഗത്തിനുണ്ട്. എങ്കിലും പൊന്‍കുന്നത്തുകാര്‍ വിട്ടില്ല. അതോടെ കാഞ്ഞിരപ്പള്ളിയിലെ യൂത്ത് കോണ്‍ഗ്രസ് പ്രവര്‍ത്തകര്‍ ശക്തമായി തടഞ്ഞു. ഇതോടെ ഇരു വിഭാഗവും തമ്മില്‍ ഉന്തും തള്ളുമുണ്ടായി. തെറിവിളിയുമായി. പൃഥ്വീരാജ് അടക്കമുള്ളവര്‍ കാഴ്ച്ചക്കാരായി. അവസാനം പൊലീസ് എത്തി പ്രവര്‍ത്തകരെ നീക്കം ചെയ്യുകയായിരുന്നു. ഇരു യൂത്ത് കോണ്‍ഗ്രസുകാരും പരസ്പരം വെല്ലുവിളിച്ചാണ് കളം വിട്ടത്.