തലയ്ക്കു ഗുരുതരമായി പരുക്കേറ്റ് ചികിത്സയിലായിരുന്ന ആഷിഖ് ഇന്നലെ രാത്രി എട്ടരയ്ക്കാണ് മരിച്ചത്.തൃശൂർ വെമ്പല്ലൂർ കട്ടൻബസാർ കറപ്പംവീട്ടിൽ അഷ്റഫിന്റെ മകൻ കെ.എ. മുഹമ്മദ്. ഇതോടെ പാലാരിവട്ടം അപകടത്തിൽ മരണം മൂന്നായി. അപകട സമയത്ത് ഇവര്‍ക്ക് പുറമേ മറ്റൊരു സുഹൃത്ത് കൂടി കാറിലുണ്ടായിരുന്നു.

കാറോടിച്ചിരുന്ന തൃശൂർ മാള സ്വദേശി അബ്ദുൽ റഹ്മാൻ  ഇപ്പോഴും ചികിത്സയില്‍ തുടരുകയാണ്.

കൊച്ചിയില്‍ നിന്ന് തൃശൂരിലേക്കുള്ള യാത്രക്കിടെ എറണാകുളം വൈറ്റിലയില്‍ ഹോളിഡേ ഇന്‍ഹോട്ടലിന് മുന്നില്‍ വച്ചാണ് അപടമുണ്ടായത്. സംഭവ സ്ഥലത്തുവച്ചു തന്നെ അന്‍സി കബീറും, അഞ്ജന ഷാജനും  മരിക്കുകയായിരുന്നു.ഫോര്‍ട്ട് കൊച്ചിയിലെ ഡി.ജെ.പാര്‍ട്ടി കഴിഞ്ഞ് മടങ്ങുമ്പോള്‍  ബൈക്കുമായി കൂട്ടിയിടിക്കാതിരിക്കാന്‍ കാര്‍ വെട്ടിച്ചതാണ് അപകടത്തിന് കാരണമെന്ന് പോലീസ് പറഞ്ഞത്. അപകടത്തില്‍ കാര്‍ പൂര്‍ണ്ണമായി തകര്‍ന്നിരുന്നു.

ആലംകോട് പാലാംകോണം അന്‍സി കോട്ടേജില്‍ അബ്ദുല്‍ കബീര്‍-റസീന ബീവി ദമ്പതിമാരുടെ ഏകമകളാണ് അന്‍സിയുടെ വിയോഗം വാര്‍ത്ത കേട്ട അമ്മ ആത്മഹത്യക്കു ശ്രമിച്ചിരുന്നു. കബറടക്കത്തിന്റെ സമയത്ത് അന്ത്യാഞ്ജലിയര്‍പ്പിക്കാന്‍ അന്‍സിയുടെ അമ്മയെ വീട്ടിലേക്കു കൊണ്ടുവരാന്‍ കഴിഞ്ഞിരുന്നില്ല. ഇവര്‍ ഇപ്പോള്‍ തിരുവനന്തപുരത്തെ സ്വകാര്യാശുപത്രിയില്‍ ചികിത്സയിലായിരുന്നു.എന്നാല്‍ അപകടനില തരണംചെയ്തതായി ബന്ധുക്കള്‍ അറിയിച്ചിട്ടുണ്ട്.

അഞ്ജന യാത്രയായത് തന്റെ കന്നിച്ചിത്രത്തിന്റെ റിലീസ് കാണാന്‍ കഴിയാതെയാണ്. സിനിമയില്‍ വലിയ അവസരങ്ങളായിരുന്നു അഞ്ജനയെ കാത്തിരുന്നത്. സൗന്ദര്യമത്സരങ്ങളില്‍ തിളങ്ങിയ അഞ്ജനയ്ക്ക് വെള്ളിത്തിരയില്‍ തിളങ്ങാനും മോഹമുണ്ടായിരുന്നു. റോഷന്‍ ആന്‍ഡ്രൂസ് സംവിധാനം ചെയ്യുന്ന ദുല്‍ഖര്‍ സല്‍മാന്‍ ചിത്രമായ 'സല്യൂട്ടി' ല്‍ നല്ലൊരു വേഷം ഡോ. അഞ്ജന ചെയ്തിരുന്നു. എന്നാല്‍ ചിത്രം പുറത്തിറങ്ങും മുന്‍പ് അഞ്ജനയെ മരണം കവര്‍ന്നെടുക്കുകയായിരുന്നു.

 റാംപിലെ ഇരുവരുടെയും സൗഹൃദം മരണത്തിലും ഒരുമിച്ചപ്പോൾ ആരാധകര്‍ക്കും,സുഹ‍ൃത്തികള്‍ക്കും ഇത്    ഉൾക്കൊള്ളാനായിരുന്നില്ല. 2019 മിസ് കേരളയും മോഡലുമായ 2019 ലെ മിസ് കേരള അൻസി കബീറും റണ്ണറപ്പ് അഞ്ജന ഷാജനും അടുത്ത സുഹൃത്തുക്കൾ കൂടിയായിരുന്നു. മിസ് കേരള സൗന്ദര്യ മത്സരത്തിനിടെയാണ് ഇരുവരും സൗഹൃദത്തിലായത്. പരിശീലന നാളുകളിൽ ഇരുവരുടെയും സൗഹൃദം കൂടുതൽ ദൃഢമായത്.. കോവിഡ് കാലത്തും അടുത്ത സൗഹൃദം ഇരുവരും കാത്തു സൂക്ഷിച്ചിരുന്നു. പല പരിപാടികളിലും  ഒന്നിച്ചു പങ്കെടുക്കാറുള്ള ഇരുവരും ഒന്നിച്ച് പങ്കെടുക്കാറുണ്ടായിരുന്നു.