നാളെ മുതല് സ്വകാര്യബസുകള് അനിശ്ചിതകാല സമരത്തിലേക്ക്... സ്വകാര്യ ബസ് ഉടമകളുമായി ഗതാഗതമന്ത്രി ആന്റണി രാജു ഇന്ന് ചര്ച്ച നടത്തും
നാളെ മുതല് സ്വകാര്യബസുകള് അനിശ്ചിതകാല സമരത്തിലേക്ക്... സ്വകാര്യ ബസ് ഉടമകളുമായി ഗതാഗതമന്ത്രി ആന്റണി രാജു ഇന്ന് ചര്ച്ച നടത്തും
നാളെ മുതല് സ്വകാര്യബസുകള് അനിശ്ചിതകാല സമരത്തിലേക്ക്... ഇതിനു മുന്നോടിയായി സംയുക്ത സമരസമിതിയുടെ നേതൃത്വത്തില് സംസ്ഥാനത്തെ മുഴുവന് കളക്ടറേറ്റിനു മുന്നിലും ഇന്നു ധര്ണ നടത്തും.
വിദ്യാര്ത്ഥികളുടെ ഉള്പ്പടെയുള്ള യാത്രാനിരക്ക് വര്ധിപ്പിക്കണമെന്ന് ആവശ്യപ്പെട്ടാണ് സമരം. ഡീസല് സബ്സിഡി നല്കണമെന്നും ബസുടമകളുടെ സംഘടന ആവശ്യപ്പെട്ടു. മിനിമം ചാര്ജ് 12 രൂപയാക്കണം എന്നാണ് സ്വകാര്യ ബസുടമകളുടെ പ്രധാന ആവശ്യം.
വിദ്യാര്ത്ഥികളുടെ മിനിമം ചാര്ജ്ജ് ആറ് രൂപയാക്കണം, കിലോ മീറ്ററിന് ഒരു രൂപയായി വര്ധിപ്പിക്കണം, തുടര്ന്നുള്ള ചാര്ജ് യാത്ര നിരക്കിന്റെ 50 ശതമാനമാക്കണം എന്നിവയാണ് മറ്റ് ആവശ്യങ്ങള്. കോവിഡ് കാലം കഴിയുന്നതുവരെ വാഹന നികുതി ഒഴിവാക്കണമെന്നും ബസുടമകളുടെ സംയുക്ത സമിതി ആവശ്യപെട്ടു.
സ്വകാര്യ ബസുകള്ക്ക് ഡീസലിന് സബ്സിഡി നല്കുന്നതുമായി ബന്ധപ്പെട്ട് അടിയന്തര നടപടി സ്വീകരിച്ചില്ലെങ്കില് ബസ് വ്യവസായം മുന്നോട്ടുപോകുന്നത് വളരെയേറെ പ്രയാസകരമാണ്.
അതേസമയം നാളെ മുതല് സ്വകാര്യബസുകള് അനിശ്ചിതകാല സമരം പ്രഖ്യാപിച്ചിരിക്കുന്ന സാഹചര്യത്തില് ഗതാഗതമന്ത്രി ആന്റണി രാജു സ്വകാര്യ ബസ് ഉടമകളുമായി ചര്ച്ച നടത്തും.
https://www.facebook.com/Malayalivartha
