പള്ളിയിലേക്ക് പോകവേ മാലിന്യത്തില് ചവിട്ടി തെന്നി വീണ് വയോധികന് ദാരുണാന്ത്യം....മാലിന്യം റോഡരികില് തള്ളിയതാണ് അപകടത്തിനിടയാക്കിയതെന്ന് ആരോപിച്ച് നാട്ടുകാര്
പള്ളിയിലേക്ക് പോകവേ മാലിന്യത്തില് ചവിട്ടി തെന്നി വീണ് വയോധികന് ദാരുണാന്ത്യം....മാലിന്യം റോഡരികില് തള്ളിയതാണ് അപകടത്തിനിടയാക്കിയതെന്ന് ആരോപിച്ച് നാട്ടുകാര്.
എറണാകുളം കണ്ണമാലിയില് മാലിന്യത്തില് ചവിട്ടി തെന്നി വീണാണ് കാട്ടിപ്പറമ്പ് സ്വദേശി പി എ ജോര്ജ് (92) ആണ് മരിച്ചത്. ഇന്ന് രാവിലെ നടക്കാനിറങ്ങിയ ജോര്ജ് മാലിന്യത്തില് ചവിട്ടി തെന്നി തലയിടിച്ച് വീഴുകയായിരുന്നു.
വഴിയാത്രക്കാരാണ് വീടിന്റെ മുന്നിലുള്ള കാനയില് ജോര്ജ് വീണു കിടന്നത് കണ്ടത്. ഈ കാനയിലേക്ക് സെപ്റ്റിക് ടാങ്ക് മാലിന്യങ്ങള് തള്ളിയ നിലയിലാണ്. ഈ മാലിന്യത്തില് ചവിട്ടി തെന്നി കാനയിലേക്ക് വീണാണ് മരണം സംഭവിച്ചതെന്നാണ് പ്രാഥമിക വിവരം.
രാവിലെ പള്ളിയില് പോയി നേര്ച്ചയിടുന്ന പതിവ് മരിച്ച മരിച്ച ജോര്ജിനുണ്ട്. പുലര്ച്ചെ അഞ്ച് മണിയോടെ പള്ളിയിലേക്ക് പോകുന്നതിനായി ഇറങ്ങിയപ്പോഴായിരിക്കാം അപകടം സംഭവിച്ചത്. വീട്ടില് ജോര്ജ് തനിച്ചാണ് താമസം. സംഭവസ്ഥലത്ത് പോലീസ് എത്തി ഇന്ക്വസ്റ്റ് നടപടികള് പൂര്ത്തിയാക്കി.
അതേസമയം ഈ പ്രദേശങ്ങളില് സ്ഥിരമായി ഇത്തരത്തില് മാലിന്യങ്ങള് തള്ളാറുണ്ട്. രാത്രിയില് മാലിന്യം തള്ളുന്നതിന്റെ ശബ്ദം കേട്ട് പുറത്തേക്ക് വന്ന ജോര്ജിനെ മാലിന്യം ഉപേക്ഷിക്കാന് വന്നവര് അപകടപ്പെടുത്തിയതാണോ എന്ന് സംശയവും നാട്ടുകാര് പ്രകടിപ്പിക്കുന്നു.
"
https://www.facebook.com/Malayalivartha
