സോഷ്യൽമീഡിയ ഒരു തരത്തിൽ നോക്കിയാൽ വളരെ നല്ലപ്ലാറ്റ്‌ ഫോമാണ്. പക്ഷെ അത് ശരിയായ രീതിയിൽ ഉപയോഗിച്ചില്ലെങ്കിൽ അത് പറഞ്ഞറിയിക്കാവുന്നതിനും അപ്പുറമാണ് ദോഷവശങ്ങൾ. നിരവധി സ്ത്രീകളാണ് സമൂഹമാധ്യമങ്ങളിലൂടെ പരിചയപ്പെടുന്ന യുവാക്കളുമായി ഇത്തരത്തിൽ കുട്ടികളെ ഉപേക്ഷിച്ചും മറ്റും കടന്ന് കളയുന്നത്. സ്ത്രീകൾ മാത്രമല്ല പുരുഷന്മാരും ഇത്തരം ചതിക്കുഴികളിൽ വീഴുന്നത് സജീവമാകുകയാണ്.

ഇപ്പോഴിതാ പുറത്ത് വരുന്നത് കൊല്ലം ശാസ്താംകോട്ടയിൽ സാമൂഹികമാധ്യമത്തിലൂടെ പരിചയപ്പെട്ട പെണ്‍കുട്ടിയെ പ്രണയംനടിച്ച് തട്ടിക്കൊണ്ടുപോയി പീഡിപ്പിച്ച കേസിലെ പ്രതി അറസ്റ്റില്‍. പുത്തൂര്‍ കരിമ്പിന്‍പുഴ മല്ലികമന്ദിരത്തില്‍ അമല്‍ വിഷ്ണു (24) ആണ് ശാസ്താംകോട്ട പോലീസിന്റെ പിടിയിലായത്.

സംഭവത്തെ കുറിച്ച് പോലീസ് പറഞ്ഞത് ഇങ്ങനെയായിരുന്നു.. ഇന്‍സ്റ്റാഗ്രാമിലൂടെ പരിചയപ്പെട്ട പെണ്‍കുട്ടിയെ ഇയാള്‍ ലൈംഗികചൂഷണത്തിന് വിധേയയാക്കി. വിവാഹവാഗ്ദാനം നല്‍കി ലൈംഗികപീഡനം തുടര്‍ന്നു. പിന്നീട് വാഗ്ദാനത്തില്‍നിന്ന് ഒഴിഞ്ഞുമാറി. തുടര്‍ന്ന് പെണ്‍കുട്ടി പോലീസില്‍ പരാതിനല്‍കി. ശാസ്താംകോട്ട കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.

ഇത്തരം ചതിയിൽ പെൺകുട്ടികൾ പെടുന്നത് ഇപ്പോൾ സ്ഥിരമായി മാറുന്ന വാർത്തകൾ പുറത്ത് വരുകയാണ്. പ്രണയത്തിന് അതിർവരമ്പുകൾ നഷ്ടപ്പെടുന്ന കാഴ്ച ഇപ്പോൾ പതിവാണ്.പ്രണയം എന്നത് പീഡനത്തിന് വേണ്ടിയുള്ളതല്ല. അത്തരത്തിലുള്ള ചതിയുടെ പ്രണയം ഇനിയും നമ്മുടെ കുഞ്ഞുങ്ങൾ തിരിച്ചറിയപ്പെടേണ്ടതുണ്ട്