ചിരിക്കണോ കരയണോ... വിവാഹ വേദിയിലെ വരന്റെ കടുംപിടിത്തം കാരണം കണ്ടുനിന്നവന് താലികെട്ടി; നിലവിളക്ക് തെളിക്കാന് പാടില്ലെന്നും ഷൂസ് മാറ്റില്ലെന്നും നിര്ബന്ധം പിടിച്ച വരനെ സാക്ഷിയാക്കി മറ്റൊരു യുവാവിനെ വിവാഹം കഴിച്ചു; വല്ലാത്തൊരു കല്യാണം
പല തരം കല്യാണങ്ങള് കല്യാണങ്ങള് കൂടാന് പോയിട്ടുണ്ട്. എന്നാല് ഇത് ഒന്നൊന്നര കല്യാണമായി പോയി. സിനിമകളില് കാണുന്ന ട്വിസ്റ്റാണ് ഉണ്ടായത്.
തിരുവനന്തപുരം കടയ്ക്കല് ആല്ത്തറമുട് ഓഡിറ്റോറിയത്തില് കഴിഞ്ഞ ദിവസം ആണ് സംഭവം നടന്നത്. ആല്ത്താറമുട് സ്വദേശിയായ പെണ്കുട്ടിയും കിളിമാന്നൂര് പുളിമാത്ത് സ്വദേശിയായ യുവാവും തമ്മില് നേരത്തെ നിശ്ചയിച്ച പ്രകാരം വിവാഹം നടത്തുകയായിരുന്നു. കോവിഡ് മാറിയതിനാല് സകല ബന്ധുക്കളേയും വിളിച്ചു വരുത്തി. കുറേ കാലത്തിന് ശേഷം ഒത്തുകൂടിയതിന്റെ സന്തോഷത്തിലായിരുന്നു ബന്ധുക്കളും.
പയ്യനേയും പെണ്ണിനേയും കണ്ട് എല്ലാവര്ക്കും നല്ല അഭിപ്രായവും. എങ്ങനെ ഒത്തു എന്ന രീതിയില് പലരും കുശുകുശുത്തു. എത്രയും വേഗം കല്യാണം കണ്ട് സദ്യയ്ക്കായുള്ള ഓട്ടത്തിനായി കാത്തിരിക്കുകയായിരുന്നു. അപ്പോഴാണ് എല്ലാം മാറി മറിഞ്ഞത്. കല്യാണം ഉണ്ണാന് പോലും കഴിയുമോയെന്ന് പലരും ചിന്തിച്ചു.
വിവാഹവേദിയില് ഉടലെടുത്ത തര്ക്കം പെട്ടന്ന് വലിയ കലഹത്തിലേക്ക് മാറി. സാധാരണ വിവാഹ സ്ഥലത്ത് കാരണവന്മാര് തമ്മില് തര്ക്കങ്ങള് പതിവാണെങ്കിലും ഇതല്പ്പം കൂടിപ്പോയി. തര്ക്കത്തെ തുടര്ന്ന് കെട്ടിയ താലി വരനു തിരിച്ചു നല്കിയ പെണ്കുട്ടിയെ അതേ വേദിയില് മറ്റൊരു യുവാവ് താലി കെട്ടി. വിവാഹ വേദിയില് നിലവിളക്ക് തെളിക്കാന് പാടില്ലെന്നും ഷൂസ് മാറ്റാന് കഴിയില്ലെന്നും വരന് വാശി പിടിച്ചതാണ് തര്ക്കത്തിനു തുടക്കം.
എന്നാല് വിളക്ക് കൊളുത്താതെ ഷൂസഴിക്കാതെ ഈ വിവാഹം നടക്കില്ലെന്ന് വധുവിന്റെ ബന്ധുക്കള് കട്ടായം പറഞ്ഞു. വരനോട് കൂടെ വന്ന ബന്ധുക്കളില് പലരും പറഞ്ഞ് നോക്കിയെങ്കിലും വരന് അണുകിടമാറിയില്ല. ഇതിനിടയ്ക്ക് വരന്റേയും വധുവിന്റേയും ബന്ധുക്കളും പ്രശ്നം ഏറ്റെടുത്തു. അവര് തമ്മിലും കലപിലയായി.
വധുവിന്റെ വീട്ടുകാര് ഉറച്ച് നിന്നു നിലവിളക്ക് കൊളുത്താതെ ഈ കല്യാണം നടത്തില്ല. അതോടെ വരനും വാശിപിടിച്ചു. ആര്ക്കു വേണം ഈ പെണ്ണിനെ. അതോടെ പയ്യനെ ചിലര് കൈവയ്ക്കുമെന്നായി. എന്നാല് ബന്ധുക്കള് പിടിച്ച് മാറ്റി തണുപ്പിച്ചു. അതോടെ ആ വിവാഹം നടന്നില്ല.
ഇതിനിടെ വധുവിന്റെ ബന്ധുക്കള് ഈ വേദിയില് വച്ചു തന്നെ പെണ്കുട്ടിയുടെ വിവാഹം നടത്തണമെന്ന് വാദിച്ചു. എങ്ങനെ നടത്തും അതിന് പറ്റിയ പയ്യന് വേണ്ടെ. പയ്യനൊക്കെ ഇവിടെ തന്നെയുണ്ടെന്നായി. അവസാനം കൂട്ടത്തിലുള്ള ഒരു ബന്ധുവിനെ കണ്ടെത്തി. അവന് ആദ്യം സങ്കോചിച്ചെങ്കിലും മറ്റ് ബന്ധുക്കള് പിന്തുണച്ചതോടെ മനസുമാറി. ഈ പയ്യനാണ് അവനെ വിധിച്ചത്. മറ്റവന് പൊട്ടനാ. അവനോട് പോകാന് പറയ്.
ഇതോടെ ആ മണ്ഡപത്തില് വച്ച് പുതിയ പയ്യനെ വിവാഹ പയ്യനാക്കി കയറ്റാന് നോക്കി. അപ്പോഴേക്കും പഴയ വരന് കലിപ്പോടെ നിന്നു. ഈ വേദിയില് കല്യാണം നടക്കില്ല. അപ്പോഴും തര്ക്കം കൂടി അടിയുടെ വക്കിലെത്തി.
രണ്ട് കൊണ്ടേ പോകൂ എന്ന നിലയിലാണ് വരന് നിന്നത്. പെണ്കുട്ടിയുടെ ബന്ധുക്കളും വരനുമായി വീണ്ടും തര്ക്കമുണ്ടായി. തര്ക്കം ഇരുവീട്ടുകാരും തമ്മിലായി. ഇതോടെ പെണ്കുട്ടിയുടെ ബന്ധുക്കള് കടയ്ക്കല് പൊലീസില് പരാതി നല്കി. പിന്നീട് ബന്ധുക്കള് നിര്ദേശച്ചതിനെത്തുടര്ന്ന് താലി പെണ്കുട്ടി തിരിച്ചു നല്കുകയായിരുന്നു. അങ്ങനെ അവസാനം വരന്റെ നിര്ബന്ധത്തെ തുടര്ന്നു വേദിക്ക് പുറത്ത് വിവാഹം നടത്തി. ബന്ധുവായ യുവാവ് പെണ്കുട്ടിയെ താലി ചാര്ത്തി. എല്ലാവരും സദ്യയും കഴിച്ച് മടങ്ങി. വരന്റെ വീട്ടുകാര് മടങ്ങിയത്, സ്വയം ശപിച്ച് പട്ടിണിയിലും...
https://www.facebook.com/Malayalivartha
