ഫേസ്ബുക്ക് കുറിപ്പിലൂടെ സന്തോഷ് പണ്ഡിറ്റ് തന്റേതായ നിരീക്ഷണങ്ങളും അഭിപ്രായങ്ങളുമെല്ലാം ആരാധകരുമായി പങ്കുവയ്ക്കാറുണ്ട്. ഇത്തവണ അദ്ദേഹം പങ്കുവച്ചിരിക്കുന്നത് പണ്ഡിറ്റിന്റെ ക്രിക്കറ്റ് നിരീക്ഷണമാണ്. പാകിസ്ഥാനും , ന്യൂസിലാൻഡ് ടീമുകൾക്ക് പകരം സ്കോട്ലൻഡ് നമീബിയ നിലവാരം ഉള്ള രണ്ട് ടീമുകൾ ഗ്രൂപ്പിൽ ഉണ്ടായിരുന്നെങ്കിൽ ഇന്ത്യ സെമിയിൽ വന്നേനെ എന്നദ്ദേഹം വീക്ഷിക്കുന്നു.

അദ്ദേഹത്തിന്റെ വാക്കുകൾ ഇങ്ങനെ; പണ്ഡിറ്റിന്റെ ക്രിക്കറ്റ് നിരീക്ഷണം . T20 വേൾഡ് കപ്പ് ഫൈനലിൽ മരണ ഗ്രൂപ്പുൽ വലിയ ടീമുകളെ തകർത്താണ് ഓസ്ട്രേലിയ വരെ കഷ്ടപ്പെട്ട് എത്തിയത് . അതുകൊണ്ടു തന്നെ അവർ കപ്പ് അടിക്കുവാൻ ധാർമികമായ അവകാശം ഉണ്ട് . (മരണ ഗ്രൂപ്പിൽ അഞ്ചിൽ നാലും ജയിച്ച പാവം സൗത്ത് ആഫ്രിക്ക സെമിയിൽ എത്തിയില്ല )

എന്നാൽ കഴിഞ്ഞ സെമിയിൽ പാക്കിസ്ഥാന്റെ പരാജയം കുറെ പേര് വലിയ രീതിയിൽ ട്രോള് ചെയ്തും ആഘോഷിക്കുന്നതും ശ്രദ്ധയിൽ പെട്ട് . എന്തിനു ? ജീവിതത്തിൽ ആദ്യമായിട്ടായിരിക്കും ഓസ്ട്രേലിയ ജയിക്കുന്നതിൽ ഇത്രയധികം ഇന്ത്യക്കാർ സന്തോഷിക്കുന്നത്. (കളിയാകുമ്പോൾ ഒരു ടീം ജയിക്കുന്നതു സ്വാഭാവികമല്ലേ ?)ബാബർ അസം ജി 34 പന്തിൽ 39 എടുക്കുന്നതിന് പകരം 69 എടുതിരുന്നെങ്കിൽ കളി ജയിച്ചേനെ ..

നിർണായക സമയത്തു ക്യാച്ച് മിസ്സ്‌ ആക്കിയ പാകിസ്ഥാൻ ഹസൻ അലി ജി ഉടനെ ഒരു ഫാമിലി ഇൻഷുറൻസ് എടുക്കുന്നത് നല്ലതാ.. ഈ അടുത്തൊന്നും നാട്ടിലേക്ക് തിരിച്ചു പോകണ്ട .. പാക് ആരാധകരിൽ നിന്നും പണി കിട്ടാം . മാത്യു വെയിൽ ജിയുടെ (6,6,6) "മൂന്നാറും" ആണ് കളിയിലെ വഴിത്തിരിവ് .

ന്യൂസിലാൻഡ് നല്ലൊരു ടീമാണ് . മുന്നിൽ നിന്നും നയിക്കുന്ന അവരുടെ ക്യാപ്റ്റനും , കിടിലൻ ബൗളേഴ്‌സ് അവർക്കു മുതൽക്കൂട്ടാണ് . പക്ഷെ ബാറ്റിങ്ങിലെ ശക്തിയിൽ ഓസ്ട്രേലിയ മുന്നിലാണ് എന്നാണു എന്റെ നിരീക്ഷണം . അതിനാൽ 60% സാധ്യത അവർക്കു നൽകും .ഫസ്റ്റ് ബാറ്റിംഗ് കിട്ടുന്നവർ 210+ എടുത്താൽ safe ആകും . (വാൽകഷ്ണം ... പാകിസ്ഥാനും , ന്യൂസിലാൻഡ് ടീമുകൾക്ക് പകരം സ്കോട്ലൻഡ് നമീബിയ നിലവാരം ഉള്ള രണ്ട് ടീമുകൾ ഗ്രൂപ്പിൽ ഉണ്ടായിരുന്നെങ്കിൽ ഇന്ത്യ സെമിയിൽ വന്നേനെ!).