മയിലിനെ കറിവെക്കാനായി ദുബായിലേക്കെന്ന യൂട്യൂബര്‍ ഫിറോസ് ചുട്ടിപ്പാറയുടെ സോഷ്യന്‍ മീഡിയ പോസ്റ്റിന് നേരെ കടുത്ത വിമർശനങ്ങൾ. ഇന്ത്യയില്‍ നിയമവിരുദ്ധമായതിനാല്‍ മയിലിനെ കറിവെക്കാനായി ദുബായിലേക്ക് പോകുന്നു എന്ന ക്യാപ്ഷനില്‍ ഫിറോസ് പുറത്തുവിട്ട വീഡിയോയാണ് വിമര്‍ശനങ്ങള്‍ക്ക് വഴി ഒരുക്കിയിരിക്കുന്നത്.

ദേശീയ ബിംബങ്ങളോടുള്ള മനോഭാവമാണ് ഫിറോസ് തകര്‍ക്കുന്നതെന്നും, ഫിറോസ് ദേശീയതയെ അപമാനിച്ചതായും ശക്തമായ വിമര്‍ശനമാണ് ഉയരുന്നത്. രാജ്യത്തിന്റെ ദേശീയപക്ഷിയാണ് മയിലെന്നും ഒരു ഭാരതീയന്‍ അതിനെ എവിടെ കണ്ടാലും ബഹുമാനിക്കേണ്ടതുണ്ടെന്നും ആളുകള്‍ വ്യക്തമാക്കുന്നു. ഏതു നാട്ടില്‍ പോയാലും ഭാരതീയന്‍ ആയിരിക്കണമെന്നും ആളുകള്‍ ഫിറോസിനോട് പറയുന്നു.

'മയിലിനെ കൊല്ലുന്നതിന് ഇന്ത്യയില്‍ വിലക്കുള്ളത് മയില്‍ വംശനാശ ഭീഷണി നേരിടുന്ന ജീവി ആയത് കൊണ്ടല്ല, മയിലിന് ദേശീയ പക്ഷി എന്ന പദവി ഉള്ളത് കൊണ്ടാണ്. അതിനെ മാനിച്ച്‌ കൊണ്ടാണ് ഇന്ത്യന്‍ പൗരന്മാര്‍ മയിലിനെ കൊന്ന് കറി വെയ്ക്കാത്തത്. ഒരാള്‍ വ്യക്തമാക്കി. 'ഇന്ത്യന്‍ പതാക അമേരിക്കയില്‍ പോയി കത്തിച്ചാല്‍ കേസ് ഉണ്ടാവില്ല. അതുകൊണ്ട് നമ്മളാരും ആ സൗകര്യം ഉപയോഗിക്കില്ലല്ലോ. കേസ് വരുമോ ഇല്ലയോ എന്നതല്ല അതിലെ വിഷയം. ദേശീയ ബിംബങ്ങളോടുള്ള മനോഭാവമാണ്'. മറ്റൊരാള്‍ പറയുന്നു.

പണി ഇരന്നുവാങ്ങാൻ ഗൾഫിൽ പോകണോ ... ഇവിടെ തന്നെ നല്ലപണി കിട്ടുമായിരുന്നാല്ലോ കോയാ., ഇതിനു വലിയ വില കൊടുക്കേണ്ടി വരും .. ദേശീയ പക്ഷി എവിടെ ആയാലും അങ്ങനെ തന്നെയാണ് .. ഒരു ജനതയുടെ വികാരമാണ്,വളെരെ മോശം, നിങ്ങളുടെ വിഡിയോകൾ ഇഷ്പ്പെടുന്ന ഒരാളാണ് ഞാൻ ഇത്‌ ഒഴിവാക്കണം മയിൽ നമ്മുടെ ദേശിയ പക്ഷിയാണ്... ഇത്തരത്തിൽ നിരവധി അഭിപ്രായങ്ങളാണ്ആളുകൾ പറയുന്നത്.