സംസ്ഥാനത്ത് അതിശക്തമായ മഴ .... മഴ ശക്തിപ്രാപിച്ച സാഹചര്യത്തില് എല്ലാ പോലീസ് സേനാംഗങ്ങളും കനത്ത ജാഗ്രത പാലിക്കാന് നിര്ദ്ദേശം നല്കി സംസ്ഥാന പോലീസ് മേധാവി അനില് കാന്ത് , കൊല്ലം ജില്ലയിലെ മൂന്ന് സ്കൂളുകള്ക്ക് തിങ്കള്, ചൊവ്വ അവധി പ്രഖ്യാപിച്ചു
സംസ്ഥാനത്ത് അതിശക്തമായ മഴ .... മഴ ശക്തിപ്രാപിച്ച സാഹചര്യത്തില് എല്ലാ പോലീസ് സേനാംഗങ്ങളും കനത്ത ജാഗ്രത പാലിക്കാന് നിര്ദ്ദേശം നല്കി സംസ്ഥാന പോലീസ് മേധാവി അനില് കാന്ത്.
മഴ രണ്ടു ദിവസം കൂടി തുടരുമെന്ന് കാലാവസ്ഥാ നിരീക്ഷണ കേന്ദ്രം. തെക്കുകിഴക്കന് അറബിക്കടലിലും വടക്കന് തമിഴ്നാടിനു മുകളിലും ചക്രവാതച്ചുഴി നിലനില്ക്കുന്നതിനാല് ഒറ്റപ്പെട്ട ശക്തവും അതിശക്തവുമായ മഴയ്ക്കു സാധ്യത.
ബംഗാള് ഉള്ക്കടലില് ആന്ഡമാനു സമീപം പുതിയ ന്യൂനമര്ദം രൂപപ്പെടാന് സാധ്യതയുണ്ട്. നാളെയോടെ മധ്യകിഴക്കന് ബംഗാള് ഉള്ക്കടലില് എത്തിച്ചേര്ന്നു തീവ്രന്യൂനമര്ദമായി ശക്തിപ്രാപിക്കാന് സാധ്യതയുള്ളതിനാല് തെക്കന്കേരളത്തില് അതീവജാഗ്രതാനിര്ദേശമുണ്ട്.
ചില ജില്ലകളില് യെലോ അലെര്ട്ടാണു നല്കിയിരിക്കുന്നതെങ്കിലും മലയോരമേഖലകളില് ഒറ്റപ്പെട്ട ശക്തമായ ഇടിയോടു കൂടിയ മഴയ്ക്കു സാധ്യതയുണ്ട്. അതിനാല്, കഴിഞ്ഞദിവസങ്ങളില് ശക്തമായ മഴ ലഭിച്ച മലയോരപ്രദേശങ്ങളില് ഓറഞ്ച് അലെര്ട്ടിന് സമാനമായ ജാഗ്രത പാലിക്കേണ്ടതാണ്.
അറബിക്കടലിലും ബംഗാള് ഉള്ക്കടലിലും വരുംദിവസങ്ങളില് കുടുതല് ന്യൂനമര്ദങ്ങളുണ്ടാകുമെന്നു കൊച്ചി ശാസ്ത്ര സാങ്കേതിക സര്വകലാശാല റഡാര് ഗവേഷണകേന്ദ്രം സൂചന നല്കി. ഡിസംബറിലും ന്യൂനമര്ദങ്ങള് ആവര്ത്തിക്കാനിടയുണ്ട്.
ബംഗാള് ഉള്ക്കടലിലെ ന്യൂനമര്ദത്തിന്റെ സ്വാധീനത്തില് അറബിക്കടലില് ന്യൂനമര്ദപാത്തി രൂപപ്പെട്ടിട്ടുണ്ട്. മഴമേഘങ്ങളുടെ കനപ്പെട്ട ശേഖരമാണു ന്യൂനമര്ദപാത്തി. നവംബറില് അവശേഷിക്കുന്ന ദിനങ്ങളും മഴയില് കുതിര്ന്നേക്കാം. തുലാമഴക്കണക്കില് ഒക്ടോബര് ഒന്നുമുതല് ഇന്നലെവരെ 90% അധികമഴ ലഭിച്ചു.
അതേസമയം മണ്ണിടിച്ചില് സാധ്യതയുള്ളതിനാല് രക്ഷാപ്രവര്ത്തനങ്ങള്ക്ക് തയ്യാറായിരിക്കുകയും ആവശ്യമായ മുന്കരുതലുകള് സ്വീകരിക്കുകയും ചെയ്യണം. രക്ഷാപ്രവര്ത്തനത്തിന് ആവശ്യമായ ബോട്ടുകള്, ലൈഫ് ജാക്കറ്റ്, മണ്ണ് മാറ്റാനും മരം മുറിക്കാനുള്ള ഉപകരണങ്ങള്, വെളിച്ച സംവിധാനം എന്നിവയും കരുതണം. താഴ്ന്ന പ്രദേശങ്ങളില് താമസിക്കുന്നവരുടെ സുരക്ഷയ്ക്ക് പ്രത്യേകം പ്രാധാന്യം നല്കും. ആവശ്യത്തിന് ബോട്ടുകളും രക്ഷാപ്രവര്ത്തനത്തിന് ആവശ്യമായ മറ്റ് ഉപകരണങ്ങളും ശേഖരിക്കാന് എല്ലാ കോസ്റ്റല് പോലീസ് സ്റ്റേഷനുകള്ക്കും നിര്ദേശം നല്കിയിട്ടുണ്ട്.
തെക്കന് കേരളത്തില് കനത്ത മഴ തുടരുന്ന സാഹചര്യത്തില് സ്കൂളുകള്ക്ക് അവധി പ്രഖ്യാപിച്ചു. കൊല്ലം ജില്ലയിലെ ആര്യങ്കാവ്, അച്ചന്കോവില്, കുളത്തുപ്പുഴ മേഖലകളിലെ സ്കൂളുകള്ക്കാണ് തിങ്കളാഴ്ചയും ചൊവ്വാഴ്ചയും അവധി പ്രഖ്യാപിച്ചതെന്ന് ജില്ലാ ഭരണകൂടം അറിയിച്ചു.
"
https://www.facebook.com/Malayalivartha
