കേരളത്തിൽ പ്രമേഹ രോഗികളുടെയും പ്രമേഹ രോഗ ചികിത്സ പരാജയപ്പെടുന്നവരുടെയും എണ്ണം ദിനം പ്രതി വർധിക്കുകയാണ് . ഇതിനൊരു പരിഹാരം ഉറപ്പായും വേണം. 100 വർഷങ്ങൾ മുന്നേയായിരുന്നു പ്രമേഹത്തിനെതിരെ ഏറ്റവും ശക്തവും സുരക്ഷിതവുമായ ഇൻസുലിൻ കണ്ടു പിടിച്ചത്. പ്രമേഹത്തെ അകറ്റി നിർത്താനുള്ള പത്തു നിർദ്ദേശങ്ങൾ ഇതൊക്കെയാണ് ;

*കഴിയുമെങ്കിൽ വീട്ടിൽ നിർദ്ദേശിക്കപ്പെടുന്ന ഇടവേളകളിൽ സ്വയം രക്തപരിശോധന നടത്തുക. രക്തസമ്മർദ പരിശോധന നടത്തുക.

*പ്രമേഹത്തിന്റെ സാധാരണ ലക്ഷണങ്ങളാണ് ക്ഷീണം , വെള്ളദാഹഹം ഭാരക്കുറവ് , വേദന തുടങ്ങിയവ. ഇവയൊന്നും അനുഭവപ്പെട്ടില്ലെങ്കിലും 25 വയസ്സുമുതൽ പ്രമേഹ പരിശോധന വർഷത്തിൽ ഒരിക്കലെങ്കിലും നടത്തിയിരിക്കുക.

*പ്രമേഹം കണ്ടെത്തിയാൽ കൃത്യമായി ഔഷധങ്ങൾ ഉപയോഗിക്കുന്നതുകൊണ്ടു മാത്രം ചികിത്സ വിജയിക്കില്ലെന്ന് അറിയുക . ഡോക്ടറുടെയും ചികിത്സാ സംഘത്തിന്റെയും നിർദ്ദേശങ്ങൾ കൃത്യമായി അനുസരിക്കണം.

* ഒരു ദിവസം 30 മിനിട്ടെങ്കിലും വ്യായാമം ചെയ്യണം . നമ്മളുടെ ആരോഗ്യസ്ഥിതിക്ക് അനുസൃതമായി ചികിത്സാസംഘത്തോട് ചോദിച്ചു മനസിലാക്കി വ്യായാമം ചെയ്യുക.

*പ്രമേഹ ചികിത്സക്കായി ഒട്ടേറെ വ്യാജ ഔഷധങ്ങൾ ഉണ്ട് . മരുന്ന് പരീക്ഷണങ്ങളിലൂടെ ഗുണനിലവാരം തെളിയിച്ച് ലോകമെമ്പാടുമുള്ള രോഗികൾ ഉപയോഗിക്കുന്ന മരുന്നാണ് എന്ന് ഉറപ്പാക്കിയ ശേഷം മാത്രം അത് ഉപയോഗിക്കുക.

* കുഞ്ഞുങ്ങളിലെ ടൈപ്പ് 1 പ്രമേഹ രോഗ ചികിത്സ ശ്രമിച്ചാൽ സാധിക്കും . ചികിത്സാ വിജയം ഉറപ്പാക്കുകയാണ് ലക്ഷ്യമെങ്കിൽ അച്ഛനമ്മമാർ രോഗത്തെക്കുറിച്ച്, ചികിത്സയെ കുറിച്ച്, വിശദമായി പഠിക്കുക.

* ആദ്യത്തെ അഞ്ചെട്ടു വർഷങ്ങളിൽ പ്രമേഹത്തിന്റെ ചികിത്സാ ചിലവ് വർധിക്കാറുണ്ട്. അത് രോഗചികിത്സയിൽ ലക്ഷ്യത കാണിക്കുമ്പോഴാണ് . ഹൃദയം, വൃക്ക, പാദങ്ങൾ, കണ്ണ് ഇവയിലൊക്കെ രോഗങ്ങൾ വരുന്നത് ഒഴിവാക്കാൻ സാധിക്കും . 3 മുതൽ 6 മാസത്തിൽ ഒരിക്കൽ വിശദമായ ലബോറട്ടറി പരിശോധനകളും 14 ദിവസത്തെ CGM പരിശോധനയിലൂടെ TIR (Time In Range) ഉം നിശ്ചയിക്കുവാൻ ശ്രദ്ധിക്കണം.

* സാമ്പത്തിക സ്ഥിതി അനുസരിച്ച് രോഗചികിത്സയിൽ മാറ്റങ്ങൾ വരുത്തുക . പുത്തൻ സാങ്കേതിക വിദ്യയും നൂതന ഔഷധങ്ങളും പ്രമേഹചികിത്സയിൽ പ്രയോജനകരമായി മാറുന്നുണ്ട് .

* സാമ്പത്തിക ബുദ്ധിമുട്ടുണ്ടെങ്കി ഡോക്ടറോട് തുറന്നു സംസാരിക്കണം . മാനസിക സംഘർഷം പ്രമേഹ ചികിത്സയെ പ്രതികൂലമായി ബാധിക്കുമെന്ന കാര്യം മനസിലാക്കുക .

*ഗർഭിണികളിലെ പ്രമേഹം അർഹിക്കുന്ന പ്രാധാന്യം കൊടുത്ത് വിദഗ്‌ധ പ്രമേഹ രോഗ ചികിത്സാ സംഘത്തെ കൊണ്ടുമാത്രം ചികിത്സ ഉറപ്പാക്കുക . ഭാവിയിൽ അമ്മയുടെയും കുഞ്ഞിന്റെയും ആരോഗ്യം പരിഗണിച്ചായിരിക്കും ഈ മുന്നറിയിപ്പ്. പ്രമേഹരോഗ ചികിത്സായിൽ ഔഷധങ്ങൾക്ക് ഒപ്പം തന്നെ പ്രാധാന്യം നൽകേണ്ട ഒന്നാണ് വ്യായാവും ഭക്ഷണ ക്രമീകരണവും. പ്രമേഹത്തെ അകറ്റി നിർത്താൻ ഈ നിർദ്ദേശങ്ങൾ പാലിക്കുക.