പേമാരി ഒഴിയുന്നില്ല..... സംസ്ഥാനത്ത് അതിശക്തമായ മഴ തുടരുന്നു... വിവിധ ജില്ലകളിലെ വിദ്യാഭ്യാസ സ്ഥാപനങ്ങള്ക്ക് അവധി, പരീക്ഷകള് മാറ്റി, അടുത്ത മൂന്നു ദിവസം ശക്തമായ മഴയ്ക്ക് സാധ്യത, ആറ് ജില്ലകളില് ഓറഞ്ച് അലര്ട്ട്, എട്ട് ജില്ലകളില് യെല്ലോ അലര്ട്ട്, കടുത്ത ജാഗ്രതാ നിര്ദ്ദേശം
പേമാരി ഒഴിയുന്നില്ല..... സംസ്ഥാനത്ത് അതിശക്തമായ മഴ തുടരുന്നു... വിവിധ ജില്ലകളിലെ വിദ്യാഭ്യാസ സ്ഥാപനങ്ങള്ക്ക് അവധി, പരീക്ഷകള് മാറ്റി, അടുത്ത മൂന്നു ദിവസം ശക്തമായ മഴയ്ക്ക് സാധ്യത, കടുത്ത ജാഗ്രതാ നിര്ദ്ദേശം.
ഇന്ന് ആറ് ജില്ലകളില് കാലവസ്ഥ നിരീക്ഷണ കേന്ദ്രം ഓറഞ്ച് അലര്ട്ട് പ്രഖ്യാപിച്ചു. എട്ട് ജില്ലകളില് യെല്ലോ അലര്ട്ടും പ്രഖ്യാപിച്ചു. എറണാകുളം, ഇടുക്കി, തൃശൂര്, കോഴിക്കോട്, കണ്ണൂര്, കാസര്ഗോഡ് ജില്ലകളിലാണ് ഓറഞ്ച് അലര്ട്ട് പ്രഖ്യാപിച്ചിരിക്കുന്നത്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, പാലക്കാട്, മലപ്പുറം, വയനാട് ജില്ലകളിലാണ് യെല്ലോ അലര്ട്ട്.
അതേസമയം മഴ ശക്തമായി തുടരുന്ന സാഹചര്യത്തില് വിവിധ ജില്ലകളിലെ വിദ്യാഭ്യാസ സ്ഥാപനങ്ങള്ക്ക് തിങ്കളാഴ്ച്ച അവധി പ്രഖ്യാപിച്ചു. സര്വകലാശാലകള് പരീക്ഷകളും മാറ്റിവെച്ചു.
ആലപ്പുഴ, പത്തനംതിട്ട, കോട്ടയം, കൊല്ലം ജില്ലകളില് പ്രൊഫഷണല് കോളേജുകള് ഉള്പ്പടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കുമാണ് അവധി. കാസര്കോട് ജില്ലയില് സ്കൂളുകള്ക്ക് അവധിയാണ്, പക്ഷേ കോളേജുകള്ക്ക് അവധി ബാധകമല്ല. എറണാകുളം ജില്ലയില് നാളെ പ്രൊഫഷണല് കോളേജുകള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങളിലും ഓണ്ലൈന് ക്ലാസുകള് മാത്രമാണ് ഉണ്ടാവുക.
വിദ്യാര്ത്ഥികള് സ്ഥാപനങ്ങളില് എത്തേണ്ടതില്ല. സിബിഎസ്ഇ, ഐസിഎസ്ഇ സ്കൂളുകള്ക്കും കേന്ദ്രീയ വിദ്യാലയങ്ങള്ക്കും ഉത്തരവ് ബാധകമാണ്.
തിരുവനന്തപുരം ജില്ലയില് നെടുമങ്ങാട്, കാട്ടാക്കട താലൂക്കുകള്ക്ക് നാളെ അവധിയാണ്. നേരത്തെ നിശ്ചയിച്ചിട്ടുള്ള പൊതുപരീക്ഷകള്ക്ക് മാറ്റമില്ല. മഹാത്മാഗാന്ധി സര്വ്വകലാശാല തിങ്കളാഴ്ച നടത്താന് നിശ്ചയിച്ചിരുന്ന എല്ലാ പരീക്ഷകളും മാറ്റിവച്ചതായി പരീക്ഷാ കണ്ട്രോളര് അറയിച്ചു. പുതുക്കിയ തീയതി പിന്നീട് അറിയിക്കും.
കേരള സര്വകലാശാല തിങ്കളാഴ്ച്ച ആരംഭിക്കാനിരുന്ന രണ്ടാം സെമസ്റ്റര് എംഎ, എംഎസ്സി, എംകോം, എംഎസ്ഡബ്ല്യു, എംസിജെ പരീക്ഷകള് മാറ്റിവെച്ചു. നവംബര് 22ന് ഈ പരീക്ഷകള് നടക്കും.
കേരള ആരോഗ്യ ശാസ്ത്ര സര്വകലാശാല തിങ്കളാഴ്ച്ച നടത്താനിരുന്ന പരീക്ഷകളും മാറ്റി. പുതുക്കിയ തീയതി സര്വകലാശാല വെബ്സൈറ്റില് ഉടന് പ്രസിദ്ധീകരിക്കും.
മഴക്കെടുതിയില് പ്രയാസം നേരിടന്ന ജില്ലകളിലെ സ്കൂളുകള്ക്ക് അവധി നല്കുന്ന കാര്യം കളക്ടര്മാര്ക്ക് തീരുമാനിക്കാമെന്നും മുഖ്യമന്ത്രിയുടെ അധ്യക്ഷതയില് ചേര്ന്ന തീവ്രമഴയുമായി ബന്ധപ്പെട്ട ഉന്നതതല യോഗം തീരുമാനിച്ചു.
"
https://www.facebook.com/Malayalivartha
