അട്ടപ്പാടിയിൽ മൂന്നു ദിവസം പ്രായമുള്ള ആൺകുഞ്ഞ് മരണപെട്ടു. അട്ടപ്പാടിയിലെ വട്ടിയൂര്‍ ആദിവാസി ഊരിലെ ഗീതു, സുനീഷ് ദമ്പതികളുടെ മകനാണ് മരണപ്പെട്ടിരിക്കുന്നത്.

മണ്ണാര്‍ക്കാട് താലൂക്ക് ആശുപത്രിയില്‍ വച്ചായിരുന്നു മരണം. കഴിഞ്ഞ നാല് ദിവസത്തിനിടെ അട്ടപ്പാടിയില്‍ റിപ്പോര്‍ട്ട് ചെയ്യപ്പെട്ട മൂന്നാമത്തെ ശിശുമരണമാണിത്. 2021ല്‍ ഇതുവരെ അട്ടപ്പാടിയില്‍ 10 കുഞ്ഞുങ്ങള്‍ മരണപ്പെട്ടതായാണ് കണക്കുകള്‍.

രണ്ട് ദിവസം മുന്‍പ് അട്ടപ്പാടിയില്‍ ഒന്നര മാസം പ്രായമുള്ള കുട്ടി മരിച്ചിരുന്നു. തൂവ ഊരിലെ വല്ലി, രാജേന്ദ്രന്‍ ദമ്ബതികളുടെ കുഞ്ഞായിരുന്നു മരിച്ചത്. ശരീര ഭാരം കുറവായതിനെത്തുടര്‍ന്ന് തൃശൂര്‍ മെഡിക്കല്‍ കോളേജില്‍ ചികിത്സയിലിരിക്കെയായിരുന്നു മരണം.