കീം പ്രവേശന പരീക്ഷയുടെ ഫലം നാളെ ഉന്നത വിദ്യാഭ്യാസ വകുപ്പ് മന്ത്രി റോജി.എം.ജോണ്‍ ഫലപ്രഖ്യാപനം നടത്തും. എറണാകുളം കളമശേരി, പത്തടിപാലം ഗവണ്‍മെന്റ് റെസ്റ്റ് ഹൗസില്‍ വെച്ച് ഉച്ചക്ക് ഒരു മണിക്കാണ് ഫലപ്രഖ്യാപനം നടത്തുക. നേരത്തെ, ജൂണ്‍ 22ന് ഫലം പ്രഖ്യാപിക്കാന്‍ തീരുമാനിച്ചിരുന്നെങ്കിലും സിബിഎസ്ഇ പുനര്‍മൂല്യനിര്‍ണ്ണയത്തെ തുടര്‍ന്ന് മാര്‍ക്ക് ചേര്‍ക്കാന്‍ കൂടുതല്‍ സമയം തേടി വിദ്യാര്‍ത്ഥികളും, രക്ഷിതാക്കളും ഉന്നത വിദ്യാഭ്യാസ മന്ത്രിയെ സമീപിച്ചതിന് പിന്നാലെയാണ് പ്രഖ്യാപനം മാറ്റിയത്.