ന്യൂനമര്ദ്ദം ശക്തി പ്രാപിക്കാന് സാധ്യത, കേരളത്തിൽ മഴ കനക്കും, ഇടുക്കിയില് ഓറഞ്ച് അലേര്ട്ട്, ജലനിരപ്പ് ഉയര്ന്നതോടെ സംസ്ഥാനത്തെ ഏഴ് ഡാമുകളില് റെഡ് അലേര്ട്ട് പ്രഖ്യാപിച്ചു
സംസ്ഥാനത്ത് വരും ദിവസങ്ങളില് കനത്ത മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. വിവിധ ജില്ലകളില് ജാഗ്രതാ നിര്ദേശം നല്കിയിട്ടുണ്ട്. നാളെ ഇടുക്കി ജില്ലയില് ഓറഞ്ച് അലേര്ട്ട് പ്രഖ്യാപിച്ചു. തിങ്കളാഴ്ച വരെ മഴ തുടരുമെന്നാണ് മുന്നറിയിപ്പ്.
ഡിസംബര് രണ്ട് വരെ സംസ്ഥാനത്ത് സാധാരണ ലഭിക്കേണ്ട മഴയെക്കാള് കൂടുതല് ലഭിക്കാനുള്ള സൂചനയുള്ളതായി കേന്ദ്ര കാലാവസ്ഥ വകുപ്പ് അറിയിച്ചു. അതേസമയം, ഡിസംബര് മൂന്ന് മുതല് ഒന്പത് വരെ സാധാരണ തോതിലുള്ള മഴ ലഭിക്കും. അടുത്ത മൂന്ന് മണിക്കൂറില് എറണാകുളം, കോട്ടയം എന്നീ ജില്ലകളില് ഒറ്റപ്പെട്ടയിടങ്ങളില് മഴയ്ക്ക് സാധ്യതയുണ്ട്.
ജലനിരപ്പ് ഉയര്ന്നതോടെ സംസ്ഥാനത്തെ ഏഴ് ഡാമുകളില് റെഡ് അലര്ട്ട് പ്രഖ്യാപിച്ചു. ആനയിറങ്ങല്, പൊന്മുടി, പെരിങ്ങല്കുത്ത്, കുണ്ടള, കല്ലാര്കുട്ടി, ലോവര് പെരിയാര്, ഇരട്ടയാര് (ഇടുക്കി)എന്നീ അണക്കെട്ടുകളിലാണ് റെഡ് അലര്ട്ട്. മാട്ടുപ്പെട്ടി (ഇടുക്കി), കക്കി ആനത്തോട് (പത്തനംതിട്ട) ഡാമുകളില് ഓറഞ്ച് അലര്ട്ടാണ്.
ബംഗാള് ഉള്ക്കടലില് രൂപപ്പെട്ട പുതിയ ന്യൂനമര്ദ്ദം തിങ്കളാഴ്ചയോടെ തെക്ക് പടിഞ്ഞാറന് ബംഗാള് ഉള്ക്കടലില് ശ്രീലങ്കന് തീരത്ത് എത്തും. ചക്രവാതചുഴി നിലവില് കോമറിന് ഭാഗത്തും സമീപത്തുള്ള ശ്രീലങ്ക തീരത്തുമായി സ്ഥിതി ചെയ്യുന്നു. ബംഗാള് ഉള്ക്കടലില് പുതിയ ന്യൂനമര്ദ്ദം ആന്ഡമാന് കടലില് 29 ഓടെ രൂപപ്പെട്ടു പടിഞ്ഞാറ് - വടക്കു പടിഞ്ഞാറു ദിശയില് സഞ്ചരിച്ചു ശക്തി പ്രാപിക്കാന് സാധ്യത.
തെക്കു പടിഞ്ഞാറന് ബംഗാള് ഉള്ക്കടലില് ശ്രീലങ്ക തീരത്ത് നിലനിന്നിരുന്ന ചക്രവാതച്ചുഴി നിലവില് കോമറിന് ഭാഗത്തും സമീപത്തുള്ള ശ്രീലങ്ക തീരത്തുമായി സ്ഥിതി ചെയ്യുന്നു. ബംഗാള് ഉള്ക്കടലില് പുതിയ ന്യൂനമര്ദം ആന്ഡമാന് കടലില് നവംബര് 29 ഓടെ രൂപപ്പെടും. പടിഞ്ഞാറ് - വടക്ക് പടിഞ്ഞാറ് ദിശയില് സഞ്ചരിച്ചു ന്യൂനമര്ദ്ദം ശക്തി പ്രാപിക്കാന് സാധ്യതയുണ്ടെന്നും കാലാവസ്ഥ വകുപ്പ് അറിയിച്ചു.
https://www.facebook.com/Malayalivartha
