സ്ഥാനാർത്ഥിയാകണമെന്നു പറന്നപ്പോൾ ഷാഫിയെ വിളിച്ചിരുന്നതായി പാലക്കാട് യുഡിഎഫ് സ്ഥാനാർഥി രമേഷ് പിഷാരടി. ഷാഫി ജയിച്ച മണ്ഡലമാണ്. ഷാഫിയ്ക്ക് അറിയാവുന്ന മണ്ഡലമാണ്. അതുകൊണ്ട് തന്നെ അദ്ദേഹത്തോട് കൂടെ നിൽക്കണം എന്നാവശ്യപ്പെട്ടിരുന്നു. സ്ഥലങ്ങൾ ഒക്കെ തനിക്ക് അറിയാം എങ്കിൽ പോലും നിങ്ങൾ എന്തൊക്കെ ചെയ്തു അതൊക്കെ പറഞ്ഞു തരണമെന്ന് പറഞ്ഞിരുന്നു. ഷാഫിയെ ആദ്യമായിട്ട് എം എൽ എ ആക്കിയത് പാലക്കാട് ആണ് . ഷാഫിയുടെ മനസ്സ് ഇപ്പോഴും ഇവിടെ തന്നെയുണ്ടെന്നും രമേശ് പിഷാരടി പറഞ്ഞു.

പ്രചാരണത്തിന് പോയപ്പോൾ രാഹുലിനെ കുറിച്ച് ചോദ്യങ്ങൾ വന്നിരുന്നോ എന്ന മാധ്യമപ്രവർത്തകരുടെ ചോദ്യത്തിന് ഇത് വരെ ആരും ചോദിച്ചില്ല എന്നായിരുന്നു രമേശിന്റെ മറുപടി. ആ ചോദ്യം പ്രതീക്ഷിച്ചു. പ്രചാരണത്തിന് രാവിലെ മുതൽ വൈകുന്നേരം വരെ പോകുന്നുണ്ട് എത്രയോ ആളുകളെ കാണുന്നു.പക്ഷെ അവരാരും രാഹുലിനെ കുറിച്ച് തന്നോട് ചോദിക്കുന്നില്ല.

ഇവിടെ വരുന്നതിന് മുന്നേ താൻ രാഹുലിനെ വിളിച്ച് സംസാരിച്ചു . അപ്പോഴാണ് രാഹുൽ തന്നോട് പറഞ്ഞത് ഇരുപതോളം വീട് വച്ച് കൊടുക്കുന്ന പരിപാടി തുടങ്ങിയിരുന്നു മൂന്ന് വീടുകൾ നൽകി .12ഓളം വീടുകൾ പൂർത്തികരിച്ചുവെന്ന്. ഇനിയും വീടുകൾ ഉണ്ട് ,ആ പരിപാടി തുടരണം താൻ രാഹുലിനോട് അത് തുടരാം എന്ന് പറഞ്ഞു .രാഹുൽ തനിക്ക് വേണ്ടി പ്രചാരണത്തിന് ഇറങ്ങുമോ എന്ന കാര്യം തനിക്കറിയില്ലെന്നും രമേശ് പിഷാരടി പറഞ്ഞു.