മരക്കാർ: അറബിക്കടലിന്റെ സിംഹം പോലൊരു സിനിമ കണ്ട സന്തോഷം പങ്കു വച്ചിരിക്കുകയാണ് സംവിധായകൻ ജൂഡ് ആന്റണി ജോസഫ് . ഒരുപാട് നെഗറ്റീവ് റിവ്യൂസ് കണ്ടിട്ടാണ് താൻ മരക്കാർ കണ്ടതെന്നും അദ്ദേഹം പറയുന്നു. ഫേസ്ബുക്കിലൂടെ ജൂഡ് ആന്റണി പങ്കു വച്ച കുറിപ്പ് ഇങ്ങനെ;

ഞാൻ ഒരു കടുത്ത ലാലേട്ടൻ ഫാനാണ് , ഞാനൊരു കടുത്ത പ്രിയദർശൻ ഫാനാണ് . ഒരുപാട് നെഗറ്റീവ് റിവ്യൂസ് കണ്ടിട്ടാണ് ഞാൻ മരക്കാർ കണ്ടത് . 90 ദിവസം കൊണ്ട് ഇതുപോലെ ഒരു സിനിമ ഷൂട്ട് ചെയ്ത പ്രിയൻ സാറിനൊരു ബിഗ് സല്യൂട്ട് .ഒരുസിനിമയെയും എഴുതി തോൽപ്പിക്കാൻ പറ്റില്ല.

എന്നാലും അതിനു ശ്രമിക്കുന്ന ചേട്ടന്മാരോട് ഒരു കാര്യം മാത്രം പറയാം . ഇത് പോലൊരു സിനിമ നമ്മുടെ അഭിമാനമാണ് . ചെറിയ ബഡ്ജറ്റിൽ അത്ഭുതങ്ങൾ കാണിക്കാൻ ഇനിയും മലയാള സിനിമക്ക് കഴിയട്ടെ. മരക്കാറിനെ സ്വീകരിച്ച ലോകമെമ്പാടുമുള്ള പ്രേക്ഷകരോട് നന്ദി പറഞ്ഞ് സംവിധായകന്‍ പ്രിയദര്‍ശന്‍.

പ്രിയ പ്രേക്ഷകരുടെ സ്‌നേഹവും പ്രോത്സാഹനവും ഇനിയും ഉണ്ടാകണമെന്ന് പ്രിയദര്‍ശന്‍ കുറിച്ചു. ചിത്രത്തിന്റെ വ്യാജ പതിപ്പുകള്‍ കാണുന്നതും കാണാന്‍ പ്രേരിപ്പിക്കുന്നതും നിയമവിരുദ്ധവും മാനുഷിക വിരുദ്ധവുമാണെന്നും പ്രിയദര്‍ശന്‍ പറഞ്ഞു. ഡിസംബര്‍ രണ്ടിനാണ് ലോകമെമ്പാടുമുള്ള തീയേറ്ററുകളില്‍ മരക്കാര്‍ പ്രദര്‍ശനത്തിനെത്തിയത്. റിലീസിന് മുന്നേ തന്നെ ചിത്രം നൂറ് കോടി ക്ലബ്ബില്‍ ഇടം പിടിച്ചിരുന്നു.

റിസര്‍വേഷനിലൂടെ മാത്രമാണ് 100 കോടി ക്ലബ്ബില്‍ എത്തിയത്. അഞ്ച് ഭാഷകളിലായി ലോകമെമ്ബാടുമുള്ള 4100 സ്‌ക്രീനുകളിലാണ് ചിത്രം പ്രദര്‍ശിപ്പിച്ചത്.ദ്യദിനങ്ങളില്‍ ചിത്രത്തിനെതിരെ മോശം പ്രതികരണങ്ങളുണ്ടായി . ഇത് സംഘടിതമായ ആക്രമണമാണെന്ന് അണിയറക്കാരില്‍ ചിലർ ആരോപിച്ചു. എന്നാൽ ചിത്രത്തിന് കിട്ടുന്ന പോസിറ്റീവ് പ്രതികരണങ്ങളില്‍ സന്തോഷം അറിയിച്ച് മോഹന്‍ലാലും പ്രിയദര്‍ശനും രംഗത്തെത്തി .