പ്രേഷകരുടെ പ്രിയ നടിയും ആക്ടിവിസ്റ്റുമാണ് മാല പാർവതി. തന്റെ 30ആം വിവാഹവാർഷിക ദിനത്തിൽ ഭർത്താവിന് സർപ്രൈസുമായി മാലാ പാർവതി കൊടുത്തിരിക്കുകയാണ് . ഇതിനു മുന്നേയുള്ള വർഷങ്ങളിൽ ഭർത്താവിന്റെ സുഹൃത്തുക്കളെ ഒഴിവാക്കിയായിരുന്നു ആഘോഷം നടത്തിയിരുന്നത്.

എന്നാൽ ഈ പ്രാവശ്യം അത് പാടില്ലെന്നത് തന്റെ ആഗ്രഹമായിരുന്നുവെന്നും മാലാ പാർവതി വ്യക്തമാക്കി. ഭർത്താവ് സതീശന്റെ അടുത്തസുഹൃത്തുക്കളെ വിവാഹവാർഷികാഘോഷത്തിനായി ക്ഷണിച്ചിരുന്നു. സതീശൻ അറിയാതെ വലിയൊരു പാർട്ടി ഒരുക്കുകയായിരുന്നു. സി-ഡിറ്റിൽ ഉദ്യോ​ഗസ്ഥനായ ബി.സതീശനാണ് മാലാ പാർവതിയുടെ ഭർത്താവ്.

30 വർഷത്തിൽ സതീശന് നൽകാൻ കഴിഞ്ഞ ഒരു സമ്മാനമെന്നും അതിരില്ലാത്ത... അളക്കാനാവാത്ത... ഉപാധികളില്ലാതെ തരുന്ന കരുതലിന്... ഒരു കുഞ്ഞു സമ്മാനമെന്നും പാർവതി പറഞ്ഞു. സന്തോഷത്തിന്റെയും സ്നേഹത്തിന്റെയും മുപ്പത് വർഷം.

ഞാൻ അദ്ദേ​ഹത്തെ കൂടുതൽ അറിയുന്തോറും ഞാൻ അദ്ദേഹവുമായി കൂടുതൽ പ്രണയത്തിലാകുന്നു. നിങ്ങൾ നിങ്ങളായി തുടരുന്നതിന് നന്ദിയെന്നും ഭർത്താവിന് ആശംസകൾ നേർന്ന് പാർവതി വ്യക്തമാക്കി. സുഹൃത്തുക്കളുടെ സാന്നിധ്യത്തിൽ കേക്ക് മുറിച്ചായിരുന്നു ആഘോഷം.

‘മരക്കാർ’ ആണ് മാലാ പാർവതിയുടേതായി ഏറ്റവും ഒടുവിൽ റിലീസിെനത്തിയ ചിത്രം. ‘പത്മ’, ‘രണ്ട്’, ‘ഭീഷ്മപർവം’, തമിഴ് ചിത്രം ‘എഫ്ഐആർ’ എന്നിങ്ങനെ നിരവധി ചിത്രങ്ങളാണ് നടിയുടേതായി റിലീസിനൊരുങ്ങുന്നത്.പാർവതി തന്നെയാണ് വിവാഹ വാർഷിക ആഘോഷത്തിന്റെ വിഡിയോയും ചിത്രങ്ങളും സമൂഹമാധ്യമങ്ങളിലൂടെ പങ്കുവച്ചത്.