മദ്യപിച്ച് വീട്ടിലെത്തി ഉപദ്രവിക്കുന്നത് എതിര്‍ത്ത ഭാര്യയെ കുപ്പി കൊണ്ട് കുത്തി അപായപ്പെടുത്താന്‍ ശ്രമിച്ചെന്ന ലോട്ടറി തൊഴിലാളിയെ നരഹത്യാ ശ്രമത്തിന് കേസെടുത്ത ശേഷം പൊലീസ് അറസ്റ്റ് ചെയ്തു. ഹൊസ്ദുര്‍ഗ് പൊലീസ് സ്‌റ്റേഷന്‍ പരിധിയിലെ സുകുമാരനെ (50)യാണ് പോലീസ് അറസ്റ്റു ചെയ്തത്.

വെള്ളിയാഴ്ച വൈകുന്നേരം മൂന്ന് മണിയോടെയായിരുന്നു സംഭവം. മദ്യപിച്ച് വീട്ടിലെത്തിയ സുകുമാരന്‍ ഉപദ്രവിക്കുന്നത് ചോദ്യം ചെയ്ത ഭാര്യ ശ്യാമള(42)യെ കുപ്പി കൊണ്ട് കുത്തുകയായിരുന്നു. കൈയ്ക്ക് സാരമായി കുത്തേറ്റ ശ്യാമള ആശുപത്രിയില്‍ ചികിത്സ തേടി. അറസ്റ്റിലായ പ്രതിയെ ശനിയാഴ്ച മജിസ്‌ട്രേറ്റ് മുമ്ബാകെ ഹാജരാക്കും.